Janosheske viziovura
capítulo 2
La Efezushickone eklezhijake
verso 1
Le efezushickone andyeloske iskirisarles:
Kade del duma kodo, kon le efta cherhajan inkrel ande pesko chacho vast, kon mashkar le efta somnakune memelyenge inkritora phirel:
verso 2
Pinzharav tye kerdyimatan, tyo khinyardyipe haj tya pachako toleranshipe, haj ke chi kames le nasulen; ke avrizumadan kodalen, kon aposhtolenge phenen pen, ba naj kodal, haj xoxamnenge arakhlan len.
verso 3
Pachako san, haj dukhardyilan anda muro anav, haj chi khinyilantar.
verso 4
Ba dosh arakhlom ande tute: kodo, ke muklan tyo angluno kamipe.
verso 5
Serosar apol pe kodo, kathar pelan avri, inker bezexbunuimata, haj ker kodo, so angla kado keresas: ke tena, atunchi opreushtyavav pe tute haj mishkisarav pa pesko than tye memelyake inkritoros, tena inkresa bezexbunuimata.
verso 6
Ba kodo ande tute si, ke te rucis le nikolitenge trabi, so vi me rucisarav.
verso 7
Kas si kan te ashunelles, so phenel o Duho la Eklezhiake: Le viktornisareske dav te xal pa trajosko kasht, so ande Devlesko paradajzo si!
La smirnaicka eklezhiake
verso 8
La samirnaicka eklezhiake andyeloske iskirisarles:
Kade del duma o angluno haj o paluno, kon mulo sas haj trajil:
verso 9
Pinzharav tyo kikidyipe haj tyo chorripe – ba chaches barvalo san –, haj kushen tut kodal, kon biboldenge phenen pen, apol naj kodala, ba le shatanoske zhinagogij.
verso 10
Na dara khanchi kathar kodal, so dukharesa! Aketa o beng mashkar tumende unyizhenen ande robija shudela, avri te zumavel len, haj tumaro kikidyipe desh dyes inkrela. Av chacho zhikaj o meripe, haj tuke dav le trajoski korona.
verso 11
Kas siles kan te ashunelles, so phenel o Duho la eklezhiake: Kon angluno avla, ande kodo chi kerel dosh o meripe!
La pergamonicka eklezhiake
verso 12
La pergamonicka eklezhiake andyeloske iskirisarles:
Kade del duma kasko le duj rigako xanro si:
verso 13
Zhanav, ke kaj beshes; kothe kaj le shatenesko kher si: haj avri inkres pasha muro anav, haj chi asvikardan tyo patyape inke chi ande kodal dyesa, kana o Antipas mure chachares, mure patyamnes mudardine mashkar tumende, kaj o shatano beshel.
verso 14
Ba arakhlom ande tute vi unyi dosh, ke si kothe tute patyamne le Balameske sityarimaske, kon pe kodo sityarelas le Balakos, te xoxvel le Izraeleske shaven, ke anda sarkafimasle maseste te xan haj te marhinpe.
verso 15
Kade vi tute si kasave, kon patyan le nikolitengo sityaripe.
verso 16
Inker apol bezexbunuimata vi tu, ke tena atunchi sigo pe tute do, haj maroma kodolenca mure mujeske xanresa.
verso 17
Kas si kan te ashunelles, so phenel o Duho la eklezhiake: le angluneske garadi manna dav haj jekh cino parno barr, po cino barr iskirisardines pale jekh nyevo anav, so khonyik chi pinzharel, numa kodo, kon lelles.
La tiatiricka eklezhiake
verso 18
La tiatiricka eklezhiake andyeloske iskirisarles:
Kade del duma le Devlesko Shavo, kaske jakha kasave si sar e jag, haj leske punre cirden po galbeno xarkom:
verso 19
Pinzharav tye kerdyimatan, tyo patyape, kamipe, slugipe haj pachako toleranshipe, haj tye palune trabi, save majbutindej kathar anglalutne.
verso 20
Ba arakhlom ande tute jekh dosh, ke mukes la Jezabel romnyake, kon pes profetazhulyake phenel, te sityarel, haj peste te xoxavel mure slugan, ke te marhinpe haj te xan anda fetishongo sarkafimosaripe.
verso 21
Vrama dom la te inkrel bezexbunuipe, ba chi kamel bezexbunuipe te inkrel pe pesko marhipe.
verso 22
Aketa, ando pato peravav la, haj kon lasa ansuripe phagen opre, ando baro kikidyipe avna, kana chi inkrena bezexbunuipe anda penge trabi.
verso 23
Lake shaven merimasa mudarav, haj zhanela sako eklezhia, ke me som le rinyikonge haj le ilonge perdal dikhari, haj potyino mashkar tumenge sakoneske, sar perelpe kathar lenge trabi.
verso 24
Tumenge pale kodo phenav haj le majbutenge, kon ande Tiatira sanle, kon chi patyan kado sityaripe, haj kon chi pinzhardine le shatanoske milnomata, sar phenen: Chi shav pe tumende kaver pharipe!
verso 25
Ba so si tumen, kaj kodo cirdadyon, zhikaj chi avotar!
verso 26
Kon pale angluno avla haj inkrela mure trabi,
kodaleske saktimo dav pe populara,
verso 27
ke sastruna rolyasa te lasharel kodalen,
haj te phagerdyontar, sar o mitticko vaso,
verso 28
sar vi me lomles kathar muro Dad, haj leske dav le zorimaske cherhajes.
verso 29
Kas si kan te ashunelles, so phenel o Duho la eklezhiange!
Libros
