Janosheske viziovura
capítulo 16
Le efta andyela le xolyake kuchenca
verso 1
Atunchi jekh zuralo glaso ashundom anda khangeri, savo kade das duma kaj le efta andyela: „Zhantar haj shoren avri le Devleske xolyake efta kuchan pe phuv!”
verso 2
Gelastar o angluno haj avrishordas peski kuchi pe phuv, pe kado dukhardo haj zhungalo phumb kerdyilas pe manusha, kon le turbatopedosko somno phiravenas, haj pe kodol, kon lesko mosuripe luvudyinas.
verso 3
Haj vi o dujto andyelo avrishordas peski kuchi ande mara, haj kodi rateske kerdyilas, sar le mulesko, haj sako zhuvindyipe mulas ande mara.
verso 4
Haj vi o trito avrishordas peski kuchi ande aba haj pajengo anglalipe, haj kodal rateske kerdyiline.
verso 5
Ashundom le pajenge andyelos, sar kado phendas: „Chachimasko san Raja, kon san, haj kon sanas, sunto, ke kade krisardan,
verso 6
ke suntonge haj profetange rata mukline avri, rat dan len te pen. Chachikanes pelaspe lenge!”
verso 7
Haj vi jekhe kaveres ashundom kathar o oltaro te del duma: „Kade si Raja, sagutnokerimasko Del, chachej haj chachimaskej tye krisarimata!”
verso 8
Haj vi o shtarto andyelo avrishordas peski kuchi po kham, apol kadaleske davadyilas, ke tatyimatasa te dukharel le manushen, haj jagasa.
verso 9
Haj le manushen phabarelas o baro tatyipe, haj kushenas le Devlesko anav, kas saktimo si pe prikezhimata, haj chi kade chi inkerdine bezexbunuipe, ke les te luvudyisaren.
verso 10
Haj vi o panzhto andyelo avrishordas peski kuchi pe turbatopedosko krajuno iskamin. Pe kado kodalesko them tunyariko kerdyilas, haj penge shiba dindalenas ande penge dukha.
verso 11
Kushenas le chereske Devles anda penge dukhimata haj varura; ba chi inkerdine bezexbunuimata anda penge trabi.
verso 12
Haj vi o shovto andyelo avrishordas peski kuchi ande kodo baro ab, saves Eufrateseske akharen, haj avri shutyardas kodalesko paji, ke drom te keradyol kodale krajenge, kon pa khamorienteski rig aven.
verso 13
Haj dikhlom, ke anda drakosko muj, anda turbatopedosko muj haj anda xoxamne profetasko muj trin biuzhe dichimata aviline avri, sar zhanbi te avnas,
verso 14
ke le bengenge duhuraj kadal, save somnura keren, haj kaj la phuvake sakono kraj zhantar, ke kethane te kiden len po maripe pe sagutnokerimaske Devlesko baro dyes.
verso 15
– Aketa, kade avav, sar o chor! Anandoj kodo, kon ratyarel, haj samalel pe peske gada, ke nanges tena phirel, haj tena dikhen lesko lazhavo!
verso 16
Haj kethane kidel len pe kodo than, saves hebericka Harmageddoneske anavaren. –
verso 17
Haj vi o eftato andyelo avrishordas peski kuchi ando oxigeno, haj vazdino glaso ashundyilas anda khangeri, kathar o krajicko iskamin: „Pecisardyilas!”
verso 18
Haj strafinimata, haj bare bashadyimata kerdyiline, haj kasavo zurales mishkisajlas e phuv, sar inke chikana nas zhikaj manush si pe luma, kade mishkisajlas e phuv, kasve zurales!
verso 19
O baro foro pe trin riga shindyilas, le popularonge forura kethane peline, haj o Del serosardyilas pa bari Babilononia, ke peska xolyake molake palpale dino taxtaj te del lake.
verso 20
Nachilastar sako niso, haj chi le plaja chi dichonas khatik.
verso 21
Zurales baro, shel kili pahosko brishind shindyilas tele anda cheri pe manusha, haj le manusha kushenas le Devles anda paho-brishindesko prikizhipe, ke kodo zurales baro sas.
Libros
