Janosheske viziovura
capítulo 5
E telestemplosardi hertija haj o Bakro
verso 1
Kon po krajicko iskamin beshelas ande lesko chacho vast dikhlom jekh hertija, so vi andral haj vi avral pherdo sas iskirime, so efta stemplosa sas tele stemplosardi.
verso 2
Dikhlom jekhe zurale andyelos, kon zurales viacarelasles: „Kon si dosta pe kodo, ke opre te putrel e hertija, haj opre te phagel kodalake stemplura?”
verso 3
Haj khonyik chi zhanelas opre te putrel la hertija bake ande late andre te dikhel, chi ando cheri chi pe phuv, chi tala e phuv.
verso 4
Zurales rovos, ke khanyikas chi arakhline dostaske, ke la hertija opre te putren bake ande late te dikhen.
verso 5
Pe kado mashkar le phure o jekh kade das duma mande: „Na rov! Aketa angluno kerdyilas o levo anda Judaski kunpania, le Davidesko falo, ke opre te putrel e hertija, haj opre te putrel kodalake efta stemplura!”
verso 6
Atunchi dikhlom, ke aketa, mashkar o krajicko iskamin haj shtar zhuvinde haj phure o Bakro tordyolas, sar tele te mudardinesas les. Efta shinga haj efta jakha sas les, save le Devleske pe phuv bishalde efta duhuraj.
verso 7
Kothe gelas haj perdal las e hartija anda kodalesko chacho vast, kon po krajicko iskamin beshelas.
verso 8
Kana perdal las e hertija e shtar zhuvinde haj le bish thaj shtar phure tele burdosardyiline angla o Bakro: savorazhenen kithara haj somnakuni kuchi sasle, pherdo lashe sungangire makhlimatanca, save le suntonge rudyimataj.
verso 9
Nyevi gilyi gilyabenas, so kade ashundyolas:
„Perelpe tuke Raja te les e hartija,
haj opre te putres kodalake stemplura,
ke mudardine tut, haj tyire ratesa muntosardan le Devleske,
anda sako kunpania, shib, popularo haj kethanipe,
verso 10
haj amare Devleske krajeske haj rashajenge shutan len,
haj rajisarena pe phuv!”
verso 11
Bute andyelon dikhlom. haj ashundom lenge vorbimata krujal pa krajicko iskamin, haj vi le zhuvindengo haj le phurengo, karing mija zhene sasle,
verso 12
kon glasunes kodo cipinas:
„Perelpe le Bakreske, kas mudardine,
ke lesko te avel o saktimo haj barvalipe,
o platnikipe, e zor, e patyiv,
o luvudyipe haj o ashtyilipe!”
verso 13
Sako kerdyipe, so ando cheri si, pe phuv bake tala e phuv, haj so pe mara bake ande mara si, sa kadalen ashundom, sar kado phenenas: „Kodaleske, kon po krajicko iskamin beshel haj le Bakreske ashtyilpe, patyiv, luvudyipe haj baripe, sagutno-sagutnes!”
verso 14
Le shtar zhuvinde kado phendine palpale: „Amen!” Le bish thaj shtar pe mosura burdosardyilas haj luvudyisarenas le sagutno-sagutnes trajisardines.
Libros
