Le Romaivonge iskirisardo lil
3. fejezet
O Del lashoj vi atunchi kana le manusha bezexaren
1. vers
Sosko anglalipe si atunchi le biboldes? Bake soski hasna si le krujalshinipeske?
2. vers
But, ande sakofaloste. Majanglal kodo, ke o Del pe lende muklas peske alava.
3. vers
Ba kana varikon mashkar lende murtikana sas? Dore kodalengo murtikanipe chi shinel le Devlesko karing lende pashipe? Bater, na!
4. vers
Boldines, o Del chachoj, te avel apol sako manush xoxamno, sar vi iskirime si: „Te patyan man chacheske ande mure vorbi, haj viktorno te aves, kana ande kris lena tut”.
5. vers
Ba so te phenas pa kodo, kana amaro bi chachipe sikavela andre le Devleske chachipes? Naj bi chacho o Del, kana peska xolyasa marel? – Manushikanes vorbil.
6. vers
Chi sar. Ke kaver falos sar krisarelas o Del la luma?
7. vers
Ba kana le Devlesko chachipe perdal pa muro xoxavjipe butardyol ando luvudyipe, atunchi sostar marel man kodi kris, sar bezexasles?
8. vers
Haj sostar chi kerasas nasul, ke lasho te kerdyol anda late, sosa vi dosharen amen unyizhene, haj pe amende xutyilen, ke ame kade vorbisaras? Kadalengo kushlipe chachikanoj.
9. vers
Sar tordyol apol e butyi? Majbut sam dore lendar? Chi sar. Ke majanglal sikadam andre, ke le bibolde haj le hellena sa tala bezex si,
10. vers
sar iskirime si:
„Naj chi jekh chacho manush;
11. vers
naj kon hatyarel les, naj kon rodel le Devles;
12. vers
savorazhene o nasul drom alosardine, haj
jekhtunes bi khanchikerde kerdyiline,
naj, kon lasho kerelas, naj chi jekh.
13. vers
Lengo girtyano puterdo murmuntoj,
penge shiba xales bolden,
le sapengo mirgo si tala lenge vusht.
14. vers
Armaja dinipesa haj kerkipesa si pherdo lengo muj.
15. vers
Lenge punre sigaslej po ratmuklipe.
16. vers
Bida haj bi baxtalipe si pe lenge droma,
17. vers
haj la pachako drom chi pinzharen,
18. vers
le Devleski dar naj angla lenge jakha”.
19. vers
Ame pale zhanas, ke sa kodo, so e kris phenel, kodalenge phenel, kon tala e kris si, haj kade sakono muj te mucisajveltar, haj e intrego luma te resel tala Devleski kris!
20. vers
Ke naj kodo manush, kon chachardyol angla leste perdal pa krisake trabi. Vi le bezexesko pinzharipe perdal pa kris si.
Le Kristosko trushul: le nyeve chachisaripesko fundo
21. vers
Akanak apol le Devlesko chachipe avrizhanardyilas, vi bi krisako. E kris haj le profeti chacharipe keren pa leste.
22. vers
Le Devlesko chachipe perdal ando Jezush Kristosko patyape resen sa kodal, haj hural pe kodal, kon patyan ande leste: ke alosaripe naj.
23. vers
Ke savorazhene bezexardine, haj naj lende le Devlesko luvudyipe,
24. vers
haj kade chachardyon ive anda lesko gracijipe perdal pa muntusaripe, so ando Jezush Kristo si,
25. vers
kas o Del bishaldas ushorimaske perdal pa patyape haj pa pesko rat, ke kade avri te sikavel pesko chachipe, zhiso majanglal toleralisardas le anglune vramake bezexa
26. vers
le Devleske pachake toleranshipesa, ke avri te sikavel – phenav – pesko chachipe ande kadi vrama, haj voj chacho te avel, haj chacheske te shol kodales, kon anda Jezush Kristosko patyape si.
27. vers
Kaj si apolal tyo asharipe? Khancheske kerdyilas. Anda savi kris? Pa kerdyimaski kris? Na, barem perdal pa patyapeski krisi.
28. vers
Ke ame kade gindisaras, ke o manush perdal pa patyape chachardyoltar haj na kathar la krisake kerdyimata.
29. vers
Bake o Del dore le biboldengoj numa, haj na vi le murtikanengo? Bater, vi le murtikanengo!
30. vers
Ke zhikodo jekh Del si kodo, kon chachardyilineske kerel perdal pa patyape le krujalshindines, haj vi le bi krujal shindines perdal pa patyape.
31. vers
Tele rumusaras la krisa perdal pa patyape? Na! Boldines: zuraras la krisa.
Könyvek
