Le Romaivonge iskirisardo lil

Fejezetek:

… 4 5 6 7 8 …   ⇤ ← 6 → ⇥

1. vers

So te phenas apol? Te ashuvas ande bezex, ke e gracija inke majbut te avel?

2. vers

Chi sar. Ke ame, kon mulam la bezexake, sar shaj trajisaras vi majdur ande late?

3. vers

Haj chi zhanen, ke savorazhene, kon boldam amen po Jezush Kristo, pe lesko meripe boldam amen?

4. vers

Praxosardine amen lesa kethanes ando meripe perdal pa bolipe, ke sar le Dadesko luvudyipe opretrajardas le Kristos anda meripe, zhikade vi ame nyevo trajo te trajisaras.

5. vers

Ke kana cirdasa pe leste ande lesko meripe, kade vi ande lesko opretrajisaripe jekh avasa lesa.

6. vers

Ke zhanas: le dulmutane manushes ande amende anda kodo tannardine po kasht lesa kethanes, ke la bezexako trupo te pustisajveltar, haj tena slugisaras majdur la bezexake.

7. vers

Ke kon mulas, kodo opremuntosajlas tala bezex.

8. vers

Apol te mulam le Kristosa, patyas, ke le Kristosa kethanes vi opretrajisarasa,

9. vers

ke zhanas, ke o Kristo, pala soste opretrajisardas anda meripe, aba chi merela, haj o meripe aba majdur chi rajilape pe leste.

10. vers

Ke lesko meripe po sagutnipe jekhtuno meripe sas pe bezex; ba lesko trajo apol trajoj le Devleske.

11. vers

Vi tume kade dikhen tumen, ke muline la bezexake, ba trajin le Devleske ando Jezush Kristo, ande amaro Raj.

12. vers

Tena krajilpe e bezex ande zhuvinde trupura, na muken tumen lake doropenge,

13. vers

ba china na den kothe tumaro trupo la bezexake te avel kodo le nasulipesko mudvari, ba sar kon anda meripe opretrajisardine, den tumen le Devleske, haj vi tumaro trupo, sar le chachimaske mudvaren, den le Devleske!

14. vers

Ke e bezex chi krajilape pe tumende, ke chi sanle aba tala e kris, ba tala e gracija sanle.

15. vers

So avel avri apol anda kado? Bezexardam, ke na tala e kris, ba tala e gracija sam? O Del te »rakhel haj te feril!

16. vers

Chi zhanen, ke kana kothe den tumen sar slugen po muklipe kodaleske, kaske muken tumen, leske slugi sanle: bake la bezexake po meripe, bake le muklimaske o chachardyipe?

17. vers

Najis le Devleske, apol ke slugi sanas la bezexake, ba anda ilo mukle kerdyiline kodaleske sityarimaske, saveske o Del perdal das tumen,

18. vers

haj kade slobodisajline kathar e bezex, haj le chachimaske slugi kerdyiline.

19. vers

Manushikanes vorbisardom tumende anda tumaro truposko nasulipe. Ke sar varikana perdal dine tumare trupos le biuzhimaske haj ande nasulipesko slugipe po nasulipe, kade den akanak pe chachipesko slugipe anda suntosardyipe!

20. vers

Ke zhikaj la bezexake slugi sanas, slobudura sanasle kathar o chachipe,

21. vers

ba sosko frukto line atunchi kadaleske? Akanak lazhan tumen anda lende, ke meripe si lengo agor.

22. vers

Ba akanak kana opreslobodisardyiline tala bezex, haj le Devleske slugi kerdyiline, kerdyilas tumenge frukto po suntosardyipe, savesko agor o sagutno trajo si.

23. vers

Ke la bezexako potyinipe o meripe si, ba le Devleski gracija o sagutno trajo si ando Jezush Kristo, ande amaro Raj.

Fejezetek:

1 2 3 4 5 6 7 8 9 10 11 12 13 14 15 16