Le Romaivonge iskirisardo lil

Chapters:

… 4 5 6 7 8 …   ⇤ ← 6 → ⇥

verse #1

So te phenas apol? Te ashuvas ande bezex, ke e gracija inke majbut te avel?

verse #2

Chi sar. Ke ame, kon mulam la bezexake, sar shaj trajisaras vi majdur ande late?

verse #3

Haj chi zhanen, ke savorazhene, kon boldam amen po Jezush Kristo, pe lesko meripe boldam amen?

verse #4

Praxosardine amen lesa kethanes ando meripe perdal pa bolipe, ke sar le Dadesko luvudyipe opretrajardas le Kristos anda meripe, zhikade vi ame nyevo trajo te trajisaras.

verse #5

Ke kana cirdasa pe leste ande lesko meripe, kade vi ande lesko opretrajisaripe jekh avasa lesa.

verse #6

Ke zhanas: le dulmutane manushes ande amende anda kodo tannardine po kasht lesa kethanes, ke la bezexako trupo te pustisajveltar, haj tena slugisaras majdur la bezexake.

verse #7

Ke kon mulas, kodo opremuntosajlas tala bezex.

verse #8

Apol te mulam le Kristosa, patyas, ke le Kristosa kethanes vi opretrajisarasa,

verse #9

ke zhanas, ke o Kristo, pala soste opretrajisardas anda meripe, aba chi merela, haj o meripe aba majdur chi rajilape pe leste.

verse #10

Ke lesko meripe po sagutnipe jekhtuno meripe sas pe bezex; ba lesko trajo apol trajoj le Devleske.

verse #11

Vi tume kade dikhen tumen, ke muline la bezexake, ba trajin le Devleske ando Jezush Kristo, ande amaro Raj.

verse #12

Tena krajilpe e bezex ande zhuvinde trupura, na muken tumen lake doropenge,

verse #13

ba china na den kothe tumaro trupo la bezexake te avel kodo le nasulipesko mudvari, ba sar kon anda meripe opretrajisardine, den tumen le Devleske, haj vi tumaro trupo, sar le chachimaske mudvaren, den le Devleske!

verse #14

Ke e bezex chi krajilape pe tumende, ke chi sanle aba tala e kris, ba tala e gracija sanle.

verse #15

So avel avri apol anda kado? Bezexardam, ke na tala e kris, ba tala e gracija sam? O Del te »rakhel haj te feril!

verse #16

Chi zhanen, ke kana kothe den tumen sar slugen po muklipe kodaleske, kaske muken tumen, leske slugi sanle: bake la bezexake po meripe, bake le muklimaske o chachardyipe?

verse #17

Najis le Devleske, apol ke slugi sanas la bezexake, ba anda ilo mukle kerdyiline kodaleske sityarimaske, saveske o Del perdal das tumen,

verse #18

haj kade slobodisajline kathar e bezex, haj le chachimaske slugi kerdyiline.

verse #19

Manushikanes vorbisardom tumende anda tumaro truposko nasulipe. Ke sar varikana perdal dine tumare trupos le biuzhimaske haj ande nasulipesko slugipe po nasulipe, kade den akanak pe chachipesko slugipe anda suntosardyipe!

verse #20

Ke zhikaj la bezexake slugi sanas, slobudura sanasle kathar o chachipe,

verse #21

ba sosko frukto line atunchi kadaleske? Akanak lazhan tumen anda lende, ke meripe si lengo agor.

verse #22

Ba akanak kana opreslobodisardyiline tala bezex, haj le Devleske slugi kerdyiline, kerdyilas tumenge frukto po suntosardyipe, savesko agor o sagutno trajo si.

verse #23

Ke la bezexako potyinipe o meripe si, ba le Devleski gracija o sagutno trajo si ando Jezush Kristo, ande amaro Raj.

Chapters:

1 2 3 4 5 6 7 8 9 10 11 12 13 14 15 16