Le Romaivonge iskirisardo lil

Chapters:

1 2 3 4 5 6 …   ⇤ ← 2 → ⇥

verse #1

Naj apol muntuipe pe tyi rig, zhikon te aves, tu manush, kon krisares; ke kodales, ke kaveres krisares, tut krisares, ke tu, kon krisares, zhikasave keres.

verse #2

Apol zhanas, ke le Devlesko krisaripe chachikanes resel kodalen, kon kasave keren.

verse #3

Bake kodo gindisares, tu manush, ke skepisardyos angla Devlesko krisaripe, kana kodo keres, anda soste krisares kaveren, kon kasave keren?

verse #4

Bake tele dikhes lesko lashipesko, toleranshipesko haj lunges muklimasko barvalipe, haj chi hatyares, ke le Devlesko lashipe po bezex bunuipe ingrel?

verse #5

Apol anda tyo bi muklipe haj capeno ilo xolyi vazdes pe tute, pe la xolyako dyes, kana le Devlesko chacho krisaripe sikadyol,

verse #6

haj maj voj potyinela sakoneske sar so perelpe:

verse #7

sagutne trajosa kodalenge, kon ande lashe kerde trabengo avri inkripe luvudyipe, patyiv haj bi meripe roden,

verse #8

xolyasa haj bladopesa le xapengirenge haj kodalenge, kon chi muken pen le chachipeske, ba le nasulipeske patyan.

verse #9

Dukh haj kino avla kodo sakone manusheske, kon nasulipe kerel, anglunes le biboldeske, pala kodo le hellenoske;

verse #10

ba luvudyipe haj pacha sakoneske, kon lashipe kerel, anglunes le biboldeske, pala kodo le hellenoske.

verse #11

Ke kaj o Del naj manushesko alosaripe.

verse #12

Ke sa kodola, kon bi krisako sile haj bezexaren, xasajven vi bi krisako; sa kodola pale, kon tala e kris bezexaren, kathar e kris krisarena len,

verse #13

ke na kodal si chache angla o Del, kon la krisa ashunen, ba la krisa andre inkerde resena o chachardyipe.

verse #14

Ke le murtikana, chaches ke kris najle, kathar e luma hatyardines keren sa kodo, so ande kris si, haj ke kris najle, von si penge e kris,

verse #15

haj kade sikaven, ke pala kris zhalipe ande lengo ilo si iskirime. Lengo duhosko hatyaripe shol lenge pa kado chacharipe, haj lenge gindimata, save si kana dosharel len, haj si kana opre muntun len

verse #16

pe kodo dyes, kana o Del krisarela perdal pa Jezush Kristo pa manushenge garade trabi kathar muro evangeliumo.

verse #17

Kana apol biboldo si tyo anav, haj pacha arakhes ande kris, haj tyo asharipe si o Del,

verse #18

pinzhares lesko kamipe, oprepinzhares le majlashes, ke perdal pa kris sityaripe lan,

verse #19

haj kodo hatyares, ke le korrengo anglalari, haj ande tunyarikipe silenge fimlalimata,

verse #20

le dilengo sityari, le cinenge barari te san, kon lan anda kris o zhanipe haj o chachipe:

verse #21

apol tu, kaveres sityares, tut chi sityares? Kon kavereske viacares, ke naj slobodo te choren, tu chores?

verse #22

Kon kodo phenes, ke naj slobodo te marhinpe, tu maris? Kon rucis le fetishon, khangerango choripe keres?

verse #23

Kon phutyares tut la krisasa, la krisake oprephaglimatasa marhis le Devles?

verse #24

„Anda tumende kushen le Devlesko anav mashkar le murtikana”, sar so iskirime si.

verse #25

O krujalshinpe lasho si apol, kana e kris andre inkres, ba kana la krisa opre phages, tyo krujalshinipe bi krujalshinipeske kerdyol.

verse #26

Ba kana o bi krujalshindo andre inkrel la krisake chachimata, chi inkerdyol krujalshinimaske lesko bi krujalshinipe?

verse #27

Haj kodo, kon kathar e luma bi krujalshindo si, kana andre inkrel la krisa, krisarela tut, kon pasha o Iskiripe haj krujalshinipe la krisako oprephagari san.

verse #28

Ke na kodoj o biboldo kon avral kodoj, haj na kodo si o krujalshinipe, so avral po trupo shaj dikhen,

verse #29

ba kodo si o biboldo, kon andral si kodo. Kado si le ilesko krujalshinipe kathar o duho haj na kathar iskiripe: kodo, kon na kathar le manusha lel asharipe, ba kathar o Del.

Chapters:

1 2 3 4 5 6 7 8 9 10 11 12 13 14 15 16