Le Romaivonge iskirisardo lil

chapter 16


Chapters:


Drobovjimata haj ferimata


verse #1

Inbisarav tumenge amare Fobone phrales, kon ande kenkreakicka eklezhiake slugisarel.


verse #2

Patyivin les ando Raj, sar perelpe kathar le suntura! Zhutisaren les, zhi pe soste te mangel tumen, ke vi voj bute zhenenge zhutisardas, inke vi mange.


verse #3

Drobovjisaren le Priskas haj Akvilas, mure amalen ando Jezush Kristo!


verse #4

Von pengo trajo shutine opre anda muro: na feri me najisarav lenge, ba vi le murtikanenge sako eklezhia.


verse #5

Drobovjisaren vi kodale kethanimatan, kon ande lengo kher si!
Drobovjisaren mure skunpone Epenetusomes, kon le Azhiasko kolipej ando Kristo!


verse #6

Drobovjisaren la Marija, kon but khinyardaspe anda tumende!


verse #7

Drobovjisaren le Andronikos haj le Juniases, mure nyamon haj robijake amalen, kas mashkar le aposhtolura po but inkren, haj kon majanglal kerdyiline ando Kristo patyamne, sar me.


verse #8

Drobovjisaren le Ampliatuses, kon mange zurales skunpoj ando Raj!


verse #9

Drobovjisdaren le Urbanuses, amare amales ando Jezush Kristo, haj mure skunpone Stakhisomes!


verse #10

Drobovjisaren le Apelleses, kon avri tordyilas anda Kristo! Drobovjisaren kodalen, kon kaj le Aristobulosesko kher inkerdyon!


verse #11

Drobovjisaren mure nyamos, le Herodiones! Drobovjisaren kodalen, kon kaj le Narcissus kher inkerdyon, kon patyan ando Raj!


verse #12

Drobovjisaren la Trifena haj Trifoza, kon butyarenpe ando Raj! Drobovjisaren le kamade Persises, kon but khinyardaspe ando Raj!


verse #13

Drobovjisaren le Rufuses, kon avri alosardyilas ando Raj, haj leska deja, kon vi mange kodij!


verse #14

Drobovjisaren le Asinkritoses, Flegones, Herma, Patrobases, Hermases haj le phralen, kon lenca sile!


verse #15

Drobovjisaren le Filologoses haj Juliases, Nereuses haj leska phenya, haj Olimpiases, haj le majbute suntonen, kon lenca sile!


verse #16

Drobovjisaren jekhavres suntone chumindesa! Le Kristosko sakono eklezhia drobovjisarel tumen.


verse #17

Ba mangav apol tumen, phralale, len sama pe kodala, kon bida keren – boldines kodala sityaripesa, so sityiline. Krujin len!


verse #18

Ke kodala, na amare Kristo Rajeske slugisaren, ba penge pereske. Penge suncimaske haj xale vorbenca xoxaven le bi doshakirengo ilo.


verse #19

Ke tumare muklimaski viaca pe sakone thaneste reslas: vi muri lossh pherdyol ande tumende. Kamav apol, ke platnika te aven po lasho haj dile po nasul.


verse #20

La pachako Del rumusarela na pa buteste le shatanos tala tumare punre!
Le Jezush Kristosko amare Rajoski gracija te avel tumenca!


verse #21

Drobovel tumen o Timoteush, muro butyako amal, haj inke o Lucius, Jazon, o Sosipatros, mure nyamura.


verse #22

Drobovjisarav ando Raj tumen me, vi o Tercius, kon iskirisardom o lil.


verse #23

Drobovjisarel tumen o Gajus, kon than das man haj la eklezhia. Drobovjisarel tumen o Erastus, le foroske lovengo lashari haj o Kvartus phral.


verse #24


Devlesko luvudyisaripe


verse #25

Kodales pale, kas siles saktimo pe kodo, te zuralel tumen ande muro evangeliumo haj pa Jezush Kristo phendo sityaripe, haj ande kodala tajnako avrizhanaripe, so pe sagutni vrama bi vorbipe sharadyilas,


verse #26

ba so akanak pe sagutne Devlesko vladipe, perdal pa profetange hertiji anda patyapesko muklipe avrizhanardyilas, haj kade angla sakono popularo pinzhardo kerdyilas,


verse #27

le korko platnikone Devleske, perdal pa Jezush Kristo, patyivipe haj luvudyipe sagutno-sagutnes. Amen.

Chapters:


Books