Le Romaivonge iskirisardo lil

Chapters:

… 6 7 8 9 10 …   ⇤ ← 8 → ⇥

verse #1

Naj aba khanchi doshaki kris pe kodal, kon ando Kristo Jezush si.

verse #2

Ke ando Kristo Jezushikano duhoski kris slobodisardas man kathar e bezex haj merimaski kris.

verse #3

Ke so nashtipe sas la krisake, ke o trupo bi zorake shutasla, o Del – kon bishaldas anda bezex peske chache Shaves ande kasavo trupo, so anelas pe bezexako trupo –, xasardas la bezexa ando trupo,

verse #4

ke la krisako vladipe andre te pherdyol ande amende, kon chi trajisaras kathar o trupo, ba kathar o duho.

verse #5

Le truposko manush apol le truposke butya kamel te resel, le duhosko manush pale le duhikane kamel te resel.

verse #6

Ke le truposko kamipe o meripe si, le duhosko kamipe pale o trajo haj e pacha,

verse #7

ke le truposko kamipe o na muklipe si le Devleske, ke chi mukelpe le Devleske krisake, ke china chi zhanelas te kerel kodo.

verse #8

Apol kade le truposko manush nashtig avel skunpo angla o Del.

verse #9

Tume apol na truposke, ba duhoske manusha san, kana chachikanes le Devlesko Duho beshel ande tumende. Ba ande kaste naj andral le Kristosko Duho, kodo naj lesko.

verse #10

Ba o Kristo ande tumende te si, chaches ke o trupo muloj anda bezex, ba o duho trajil perdal pa chachardyipe.

verse #11

Haj kodalesko Duho te beshel ande tumende, kon opretrajardas le Jezush Kristos anda meripe, opretrajarel vi tumaro mulikano trupo perdal pa pesko Duho, so ande tumende beshel.

verse #12

Apol kathar kado, phralale, chi samle le truposke slugi, ke kathar o trupo te trajisaras.

verse #13

Ke kathar o trupo te trajisarenas, meren, ba le duhosa te mudarena le truposke kerdyimata, trajina.

verse #14

Ke kas le Devlesko Duho zhutil, kodal le Devleske shave si.

verse #15

Ke na le slugimasko duho line, ke pale numa te daran, ba le shavoreske linipesko duho, ande soste kodo cipisaras: „Abba, Dade!”

verse #16

Apol o Duho kerel chacharipe amare duhosa, ke le Devleske shave sam.

verse #17

Apol kana leske shave sam, atunchi vi o muklipe amaroj: le Devleske aranda sam, le Kristoske pale amal aranda, ke lesa kethanes dukharas, ke lesa kethanes vi te luvudyisajvas.

verse #18

Kodo gindisarav, ke sa kodo, so akanak dukharas, nashtig pasharas kethane le avlimaske luvudyipesa, so sikadyola pe amende.

verse #19

Ke e kerdi luma dorosajves zhukarel, ke le Devleske shave te dichosajven.

verse #20

Ke e kerdi luma le khanchimaske si telalutni, na anda pesko kamipe, ba kodo perdal, kon pherdyardasla la tofnake speratimatasa.

verse #21

Ke vi e kerdi luma opreslobodisajvela tala rumuvjimasko slugipe, pe le Devleske shavengo luvudyimasko slobodipe.

verse #22

Ke zhanas, ke sako kerdyipe jekharsa phurdel pharo dyi haj dukharel zhikaj kodo.

verse #23

Ba na feri von, vi ame, kon ande amende phiravas le Duhoske kolimata: vi ame phurdas pharo dyi andralutnes, haj zhukaras le xutyilde shavipes, amare truposko muntuipes.

verse #24

Amaro drobovjipe sperantako si. Te dikhas kodo, so sperantisaras, kodo na sperantipej: ke kon sperantilas kodo, so dikhel?

verse #25

Kana pale kodo sperantisaras, so chi dikhas, atunchi vi zhukaras kodo pachasa.

verse #26

Zhikade vi o Duho pe amaro zhutipe si ande amaro bi zoripe, ke chi zhanas, ke sar trubuj te mangas, so mangas: ba o Duho zhutisarel amenge kasave phare dyi phurdimatanca, so ande vorba nashtig phenen avri.

verse #27

Ba kon perdal hatyarel le ilen, zhanel, ke savej le Duhoske mangajimata, zhanel, ke zhutisarel anda suntura kade sar o Del kamel kodo.

verse #28

Zhanas, ke kon kamen le Devles sakofalo pe lengo mishtyipe perel, kodalenge, kon kathar leski vorba trajin, suntura te aven.

verse #29

Ke kas aba pinzharelas, kodalen pe kodo trajardas, ke kasave te cirden pe leske Shavo, haj kade voj angluno arakhadyilino te avel mashkar le but phral.

verse #30

Kas pale trajardas, kodalen vi akhardas: haj kas akhardas, kodalen vi chachardyimaske kerdas; kas pale chachardyimaske kerdas, kodalen vi luvudyisardas.

verse #31

So te phenas sa pala kadal? Kana amencaj o Del, kon si dushmano amenge?

verse #32

Voj, kon chi peske chache Shaves chi sunusardas, ba kothe dasles anda amende, anda savorazhenende, apol chi delas lesa kethanes sakofalo amenge?

verse #33

Kon avlas doshari le Devleske alosardenge? O Del si kodo, kon o chachardyipe del:

verse #34

kon avlas apol kodo, kon dosharelas? Dore o Kristo Jezush, kon mulas, so majbut, vi opretrajisardyilas, pe Devleski chachi rig si, haj zhutisarel amen?

verse #35

Kon shaj shinel amen kathar le Kristosko kamipe? Chorripe bake kikidyipe? Bokh, nangipe, bida, nashavjipe bake xanro?

verse #36

Sar iskirime si:
„Anda tute mudaren amen sorro dyes,
kade dikhen amen, sar kodale bakren
saven tele mudaren”.

verse #37

Ba sa kadalen tele zhanas te viktornisaras kodaleske zhitipesa, kon kamel amen.

verse #38

Ke kodo zhanav, ke chi meripe, chi trajo, chi andyela, chi kraja, chi le akanutne, chi le avlimaske, chi e zor,

verse #39

chi uchipe, chi milnope, chi kaver sosko kerdyipe nashtig shinel amen kathar le Devlesko kamipe, so ando Kristo Jezush, ande amaro Raj si.

Chapters:

1 2 3 4 5 6 7 8 9 10 11 12 13 14 15 16