Le Romaivonge iskirisardo lil

chapter 3


Chapters:


O Del lashoj vi atunchi kana le manusha bezexaren


verse #1

Sosko anglalipe si atunchi le biboldes? Bake soski hasna si le krujalshinipeske?


verse #2

But, ande sakofaloste. Majanglal kodo, ke o Del pe lende muklas peske alava.


verse #3

Ba kana varikon mashkar lende murtikana sas? Dore kodalengo murtikanipe chi shinel le Devlesko karing lende pashipe? Bater, na!


verse #4

Boldines, o Del chachoj, te avel apol sako manush xoxamno, sar vi iskirime si: „Te patyan man chacheske ande mure vorbi, haj viktorno te aves, kana ande kris lena tut”.


verse #5

Ba so te phenas pa kodo, kana amaro bi chachipe sikavela andre le Devleske chachipes? Naj bi chacho o Del, kana peska xolyasa marel? – Manushikanes vorbil.


verse #6

Chi sar. Ke kaver falos sar krisarelas o Del la luma?


verse #7

Ba kana le Devlesko chachipe perdal pa muro xoxavjipe butardyol ando luvudyipe, atunchi sostar marel man kodi kris, sar bezexasles?


verse #8

Haj sostar chi kerasas nasul, ke lasho te kerdyol anda late, sosa vi dosharen amen unyizhene, haj pe amende xutyilen, ke ame kade vorbisaras? Kadalengo kushlipe chachikanoj.


verse #9

Sar tordyol apol e butyi? Majbut sam dore lendar? Chi sar. Ke majanglal sikadam andre, ke le bibolde haj le hellena sa tala bezex si,


verse #10

sar iskirime si:
„Naj chi jekh chacho manush;


verse #11

naj kon hatyarel les, naj kon rodel le Devles;


verse #12

savorazhene o nasul drom alosardine, haj
jekhtunes bi khanchikerde kerdyiline,
naj, kon lasho kerelas, naj chi jekh.


verse #13

Lengo girtyano puterdo murmuntoj,
penge shiba xales bolden,
le sapengo mirgo si tala lenge vusht.


verse #14

Armaja dinipesa haj kerkipesa si pherdo lengo muj.


verse #15

Lenge punre sigaslej po ratmuklipe.


verse #16

Bida haj bi baxtalipe si pe lenge droma,


verse #17

haj la pachako drom chi pinzharen,


verse #18

le Devleski dar naj angla lenge jakha”.


verse #19

Ame pale zhanas, ke sa kodo, so e kris phenel, kodalenge phenel, kon tala e kris si, haj kade sakono muj te mucisajveltar, haj e intrego luma te resel tala Devleski kris!


verse #20

Ke naj kodo manush, kon chachardyol angla leste perdal pa krisake trabi. Vi le bezexesko pinzharipe perdal pa kris si.


Le Kristosko trushul: le nyeve chachisaripesko fundo


verse #21

Akanak apol le Devlesko chachipe avrizhanardyilas, vi bi krisako. E kris haj le profeti chacharipe keren pa leste.


verse #22

Le Devlesko chachipe perdal ando Jezush Kristosko patyape resen sa kodal, haj hural pe kodal, kon patyan ande leste: ke alosaripe naj.


verse #23

Ke savorazhene bezexardine, haj naj lende le Devlesko luvudyipe,


verse #24

haj kade chachardyon ive anda lesko gracijipe perdal pa muntusaripe, so ando Jezush Kristo si,


verse #25

kas o Del bishaldas ushorimaske perdal pa patyape haj pa pesko rat, ke kade avri te sikavel pesko chachipe, zhiso majanglal toleralisardas le anglune vramake bezexa


verse #26

le Devleske pachake toleranshipesa, ke avri te sikavel – phenav – pesko chachipe ande kadi vrama, haj voj chacho te avel, haj chacheske te shol kodales, kon anda Jezush Kristosko patyape si.


verse #27

Kaj si apolal tyo asharipe? Khancheske kerdyilas. Anda savi kris? Pa kerdyimaski kris? Na, barem perdal pa patyapeski krisi.


verse #28

Ke ame kade gindisaras, ke o manush perdal pa patyape chachardyoltar haj na kathar la krisake kerdyimata.


verse #29

Bake o Del dore le biboldengoj numa, haj na vi le murtikanengo? Bater, vi le murtikanengo!


verse #30

Ke zhikodo jekh Del si kodo, kon chachardyilineske kerel perdal pa patyape le krujalshindines, haj vi le bi krujal shindines perdal pa patyape.


verse #31

Tele rumusaras la krisa perdal pa patyape? Na! Boldines: zuraras la krisa.

Chapters:


Books