Le Romaivonge iskirisardo lil

Chapters:

… 11 12 13 14 15 16   ⇤ ← 15 → ⇥

verse #1

Ba amenge, kon zurale sam, trubuj, te hatyaras le bi zorangirengo slabipe, haj na amari voja te rodas.

verse #2

Savorazhene te aven pe kodo, te roden tumare dopashone vortakoski voja, haj mishtyipe!

verse #3

Ke chi o Kristo chi rodas peski voja, ba ke sar iskirime si: „Tye kushlimarenge kushlimata pe mande peline”.

verse #4

Apol sa kodo, so anglalutnes iskirisardine, po sityaripe iskirisardine, ke sperantipe te avel amen anda iskirimaske pacha haj ushorimata.

verse #5

E pacha haj o ushoripe o Del pale te delle tumenge, ke sar o Jezush kamelas, jekh hatyaripe te avel mashkar tumende,

verse #6

ke jekhe duhosa haj jekhe mujesa te luvudyisaren le Jezush Kristosko, amare Rajeske Devles haj Dades!

verse #7

Len kasaveske jekhavres sar so si, sar vi o Kristo kasavese las tumen soske sanle pe le Devlesko luvudyipe!

verse #8

Kodo phenav, ke o Kristo Jezush le biboldengi sluga kerdyilas, ke andre te sikavel le Devlesko chacho phenipe, kerdes kade so phendine le Dadeske;

verse #9

ba le murtikana anda jertipe luvudyisaren le Devles, sar so iskirime si:
„Anda kado asharav tut, Raja, mashkar le murtikana,
haj gilyabav gilyi tye anaveske”.

verse #10

Kodo phenel majdur:
„Murtikana vojin tumen
leske popularenca kethanes”.

verse #11

Majdur pale:
„Populara, asharen savorazhene le Rajes!
Te luvudyisarel les sako popularo!”

verse #12

O Izajash majdur kodo phenel:
„Le Jesseske falo avla,
kon opreushtyel, te krajilpe pe manusha,
ande leste sperantinpe le populara”.

verse #13

Le sperantimasko Del te pherdyarel tumen le patyapeske sagutna losshasa, ke o sperantipe butardes te avel ande tumende anda Sunto Duhoski zor!

verse #14

Phralale, pa tumende zhanav kodo, ke vi tume pherde sanle lashipesa, mishto zhanen sakofalo, haj zhanen jekhavreske duma te den kana bida si.

verse #15

Kathe-kothe maj tromanes iskirisardom tumenge, phralale, te serosarav tumen pe unyi trabi. Ande kodala gracijaki zor kerdom kado, so o Del das mange.

verse #16

Ke le Kristo Jezusheski sluga te avav mashkar le murtikana, haj le Devleske suntone evangeliumoski slugimata te kerav, haj kade le murtikana skunpone, perdal pa Sunto Duho suntosarde sarkafimura te kerdyon.

verse #17

Si sosa te asharavma ando Kristo Jezush angla o Del.

verse #18

Apol numa pa kodo tromav te vorbisarav, so o Kristo kerdas perdal pa mande pe kodo, ke te boldenpe karing o Del le murtikana, vorbenca haj kerdyimatanca:

verse #19

le somnonge haj chudimatange zorasa, le Duhoske zorasa, zhikaj kathar o Jeruzhalemo dur krujal phirindes zhikaj e Illiria kerdom le Kristoske evangeliumosko viacaripe.

verse #20

Kade patyivake butyake inkrav te viacarav o evangeliumo, ba na kothe kaj le Kristosko anav aba pinzhardo sas, tena pe kaveresko tele shutino fundo te vorbisarav,

verse #21

ba sar iskirime si:
„Kaske chi viacardine les, dikhena les,
haj kon chi ashundine les, hatyarena les”.

verse #22

Kado tordyardas man tele butivar, ke tumende te zhav.

verse #23

Ba ke abakanak naj man than pe kadal phuva, haj ke aba but bersh ke dorosarav tumende te zhav,

verse #24

kana maj dromaro ande Hishpania, sperantisarav, ke perdal zhalindes dikho tumen, haj tume aventar maj manca kothe, pala soste mashkar tumende jekh cerra hodinisardom man.

verse #25

Akanak apol ando Jeruzhalemo zhav ande suntonge slugipe.

verse #26

E Makedonia haj e Akhaj lasheske dikhlas, ke unyi kethane kidimata te keren pe le Jeruzhalemicka suntonge chorrenge rig.

verse #27

Lasheske dikhline, ba vi kamen lenge. Ke le murtikane rig te line anda lenge duhikane barvalimata, atunchi trubuj lenge vi ande truposke butya te slugisaren lenge.

verse #28

Apol kana kadalesa gata avo haj ande lengo vast shav kadale kethane kidimasko frukto, ando drom lines tumen, zhavtar ande Hishpania.

verse #29

Zhanav, ke kana tumende zhav, le Kristoske evangeliumoske ashtyilimaske barvalipesa zhav.

verse #30

Mangav apol tumen, phralale, pe amaro Raj Jezush Kristo haj pe Suntone Duhosko kamipe, zhutisaren man ande tumare rudyimata. Mangen le Devles anda mande,

verse #31

ke te muntusajvav kathar le murtikana, kon ande Judea sile, haj mure Jeruzhalemeske kerde slugimata skunpo te avel le suntonge,

verse #32

haj kade anda Devlesko kamipe losshanes te zhav tumende, haj te shaj hodinisajvav tumende.

verse #33

La pachako Del te avel tumenca, savorazhenenca! Amen.

Chapters:

1 2 3 4 5 6 7 8 9 10 11 12 13 14 15 16