chapter 5
Apol ke reslam o chachrdyipe anda patyape, pachipe si amen le Devlesa perdal pa amaro Raj, pa Jezush Kristo.
Perdal pa leste puterdyilas o drom amenge perdal pa patyape kaj e gracija, ande soste avri inkras, haj asharas kathar le Devlesko luvudyipesko sparantipe.
haj inke asharas vi ande kikidyimata, zhangles, ke o kikidyipe torelanshipe del,
o torelanshipe avrizumavjipe, o avri zumavjipe sperantipe,
e sparata pale chi mukel, ke te lazhardyuvas, ke le Devlesko kamipe butajvel ande amaro ilo perdal pa Sunto Duho so amenge davadyilas.
O Kristo, kana inke bi zorake samas, ande kodal vrami, mulas anda nasula.
Ba vi anda chacho manush dore merel varikon; apol anda lasho si kon tromal te merel.
Ba o Del kade chacharel andre, ke sar kamel amen, ke ande kodal vrami, kana inke bezexasle samas,
o Kristo mulas anda amende. Anda kado akanak, ke perdal pa lesko rat chachardyilam, inke majfeder muntosarel amen kathar e xolyi.
Kana ame, kana inke dushmanura samas, avri shaj pachardyuvas le Devlesa perdal pa leke Shavesko meripe, barem majfeder muntuipe lasa perdal pa lesko trajo.
Haj inke vi asharas ando Del, perdal pa amaro Raj, pa Jezush Kristo, kon akanak andas amenge e pachardyimata.
Perdal pa jekh manush avilas e bezex ande luma, perdal pa bezex pale o meripe, haj kade o meripe perdal gelas ando sakono manush, ke sakon bezexardas.
Ke bezex sas pe luma vi angla kris, ba la bezexa chi ginaven andre, kana naj kris.
Ba o meripe vi kade krajilaspe zhikathar o Adam zhikaj o Mozesh pe kodal, kon chi bezexardine kasave krisake oprephaglipesa, sar o Adam, kon angluno mosuripe si le avluneske.
Ba na kade tordyol e butyi la gracijake tofnipesa, sar le ande bezex pelipesa. Ke kana but manusha muline anda jekhesko bezexipe, kade le Devleski gracija, haj le jekhe manusheske, le Jezush Kristoske gracijako tofnipe inke majfeder avributardyol pe butende.
Le tofnipe pale na kade si sar kodale jekhe bezexasleske kerdyipesa; ke anda jekh dino krisipe po meripe ingrel, ba e gracija anda but bezeximata po uzhosardyipe ingrel.
Ke kana o meripe krajilape perdal pa jekh, anda jekhesko bezexipe, atunchi inke majfeder krajinape ando trajo perdal pa Jezush Kristo kodal, kon lena la gracijako haj chachardyipesko barvalipe.
Ke sar meripe hurajlas pe sakono manush anda jekhesko bezexipe, kade vi ande trajosko chachardyipe rig lela sako manush anda jekhesko chachipe.
Ke but manusha bezexasle kerdyiline anda jekhesko bi muklipe, kade vi but manush chacharde kerdyon pala jekhesko muklipe.
E kris anda kodo avilas mashkaral, ke e bezex te vazdadyol; ba kana zurales butajlas e bezex, inke majfeder butajlas e gracija,
ke sar e bezex meripe andines krajilaspe, kade te krajilpe vi e gracija perdal pa chachardyipe po sagutno trajo perdal pa amaro Raj, pa Jezush Kristo.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly