Le Romaivonge iskirisardo lil

Capítulos:

1 2 3 4 5 6 …   ⇤ ← 3 → ⇥

verso 1

Sosko anglalipe si atunchi le biboldes? Bake soski hasna si le krujalshinipeske?

verso 2

But, ande sakofaloste. Majanglal kodo, ke o Del pe lende muklas peske alava.

verso 3

Ba kana varikon mashkar lende murtikana sas? Dore kodalengo murtikanipe chi shinel le Devlesko karing lende pashipe? Bater, na!

verso 4

Boldines, o Del chachoj, te avel apol sako manush xoxamno, sar vi iskirime si: „Te patyan man chacheske ande mure vorbi, haj viktorno te aves, kana ande kris lena tut”.

verso 5

Ba so te phenas pa kodo, kana amaro bi chachipe sikavela andre le Devleske chachipes? Naj bi chacho o Del, kana peska xolyasa marel? – Manushikanes vorbil.

verso 6

Chi sar. Ke kaver falos sar krisarelas o Del la luma?

verso 7

Ba kana le Devlesko chachipe perdal pa muro xoxavjipe butardyol ando luvudyipe, atunchi sostar marel man kodi kris, sar bezexasles?

verso 8

Haj sostar chi kerasas nasul, ke lasho te kerdyol anda late, sosa vi dosharen amen unyizhene, haj pe amende xutyilen, ke ame kade vorbisaras? Kadalengo kushlipe chachikanoj.

verso 9

Sar tordyol apol e butyi? Majbut sam dore lendar? Chi sar. Ke majanglal sikadam andre, ke le bibolde haj le hellena sa tala bezex si,

verso 10

sar iskirime si:
„Naj chi jekh chacho manush;

verso 11

naj kon hatyarel les, naj kon rodel le Devles;

verso 12

savorazhene o nasul drom alosardine, haj
jekhtunes bi khanchikerde kerdyiline,
naj, kon lasho kerelas, naj chi jekh.

verso 13

Lengo girtyano puterdo murmuntoj,
penge shiba xales bolden,
le sapengo mirgo si tala lenge vusht.

verso 14

Armaja dinipesa haj kerkipesa si pherdo lengo muj.

verso 15

Lenge punre sigaslej po ratmuklipe.

verso 16

Bida haj bi baxtalipe si pe lenge droma,

verso 17

haj la pachako drom chi pinzharen,

verso 18

le Devleski dar naj angla lenge jakha”.

verso 19

Ame pale zhanas, ke sa kodo, so e kris phenel, kodalenge phenel, kon tala e kris si, haj kade sakono muj te mucisajveltar, haj e intrego luma te resel tala Devleski kris!

verso 20

Ke naj kodo manush, kon chachardyol angla leste perdal pa krisake trabi. Vi le bezexesko pinzharipe perdal pa kris si.

verso 21

Akanak apol le Devlesko chachipe avrizhanardyilas, vi bi krisako. E kris haj le profeti chacharipe keren pa leste.

verso 22

Le Devlesko chachipe perdal ando Jezush Kristosko patyape resen sa kodal, haj hural pe kodal, kon patyan ande leste: ke alosaripe naj.

verso 23

Ke savorazhene bezexardine, haj naj lende le Devlesko luvudyipe,

verso 24

haj kade chachardyon ive anda lesko gracijipe perdal pa muntusaripe, so ando Jezush Kristo si,

verso 25

kas o Del bishaldas ushorimaske perdal pa patyape haj pa pesko rat, ke kade avri te sikavel pesko chachipe, zhiso majanglal toleralisardas le anglune vramake bezexa

verso 26

le Devleske pachake toleranshipesa, ke avri te sikavel – phenav – pesko chachipe ande kadi vrama, haj voj chacho te avel, haj chacheske te shol kodales, kon anda Jezush Kristosko patyape si.

verso 27

Kaj si apolal tyo asharipe? Khancheske kerdyilas. Anda savi kris? Pa kerdyimaski kris? Na, barem perdal pa patyapeski krisi.

verso 28

Ke ame kade gindisaras, ke o manush perdal pa patyape chachardyoltar haj na kathar la krisake kerdyimata.

verso 29

Bake o Del dore le biboldengoj numa, haj na vi le murtikanengo? Bater, vi le murtikanengo!

verso 30

Ke zhikodo jekh Del si kodo, kon chachardyilineske kerel perdal pa patyape le krujalshindines, haj vi le bi krujal shindines perdal pa patyape.

verso 31

Tele rumusaras la krisa perdal pa patyape? Na! Boldines: zuraras la krisa.

Capítulos:

1 2 3 4 5 6 7 8 9 10 11 12 13 14 15 16