Le Romaivonge iskirisardo lil

Capítulos:

… 6 7 8 9 10 …   ⇤ ← 8 → ⇥

verso 1

Naj aba khanchi doshaki kris pe kodal, kon ando Kristo Jezush si.

verso 2

Ke ando Kristo Jezushikano duhoski kris slobodisardas man kathar e bezex haj merimaski kris.

verso 3

Ke so nashtipe sas la krisake, ke o trupo bi zorake shutasla, o Del – kon bishaldas anda bezex peske chache Shaves ande kasavo trupo, so anelas pe bezexako trupo –, xasardas la bezexa ando trupo,

verso 4

ke la krisako vladipe andre te pherdyol ande amende, kon chi trajisaras kathar o trupo, ba kathar o duho.

verso 5

Le truposko manush apol le truposke butya kamel te resel, le duhosko manush pale le duhikane kamel te resel.

verso 6

Ke le truposko kamipe o meripe si, le duhosko kamipe pale o trajo haj e pacha,

verso 7

ke le truposko kamipe o na muklipe si le Devleske, ke chi mukelpe le Devleske krisake, ke china chi zhanelas te kerel kodo.

verso 8

Apol kade le truposko manush nashtig avel skunpo angla o Del.

verso 9

Tume apol na truposke, ba duhoske manusha san, kana chachikanes le Devlesko Duho beshel ande tumende. Ba ande kaste naj andral le Kristosko Duho, kodo naj lesko.

verso 10

Ba o Kristo ande tumende te si, chaches ke o trupo muloj anda bezex, ba o duho trajil perdal pa chachardyipe.

verso 11

Haj kodalesko Duho te beshel ande tumende, kon opretrajardas le Jezush Kristos anda meripe, opretrajarel vi tumaro mulikano trupo perdal pa pesko Duho, so ande tumende beshel.

verso 12

Apol kathar kado, phralale, chi samle le truposke slugi, ke kathar o trupo te trajisaras.

verso 13

Ke kathar o trupo te trajisarenas, meren, ba le duhosa te mudarena le truposke kerdyimata, trajina.

verso 14

Ke kas le Devlesko Duho zhutil, kodal le Devleske shave si.

verso 15

Ke na le slugimasko duho line, ke pale numa te daran, ba le shavoreske linipesko duho, ande soste kodo cipisaras: „Abba, Dade!”

verso 16

Apol o Duho kerel chacharipe amare duhosa, ke le Devleske shave sam.

verso 17

Apol kana leske shave sam, atunchi vi o muklipe amaroj: le Devleske aranda sam, le Kristoske pale amal aranda, ke lesa kethanes dukharas, ke lesa kethanes vi te luvudyisajvas.

verso 18

Kodo gindisarav, ke sa kodo, so akanak dukharas, nashtig pasharas kethane le avlimaske luvudyipesa, so sikadyola pe amende.

verso 19

Ke e kerdi luma dorosajves zhukarel, ke le Devleske shave te dichosajven.

verso 20

Ke e kerdi luma le khanchimaske si telalutni, na anda pesko kamipe, ba kodo perdal, kon pherdyardasla la tofnake speratimatasa.

verso 21

Ke vi e kerdi luma opreslobodisajvela tala rumuvjimasko slugipe, pe le Devleske shavengo luvudyimasko slobodipe.

verso 22

Ke zhanas, ke sako kerdyipe jekharsa phurdel pharo dyi haj dukharel zhikaj kodo.

verso 23

Ba na feri von, vi ame, kon ande amende phiravas le Duhoske kolimata: vi ame phurdas pharo dyi andralutnes, haj zhukaras le xutyilde shavipes, amare truposko muntuipes.

verso 24

Amaro drobovjipe sperantako si. Te dikhas kodo, so sperantisaras, kodo na sperantipej: ke kon sperantilas kodo, so dikhel?

verso 25

Kana pale kodo sperantisaras, so chi dikhas, atunchi vi zhukaras kodo pachasa.

verso 26

Zhikade vi o Duho pe amaro zhutipe si ande amaro bi zoripe, ke chi zhanas, ke sar trubuj te mangas, so mangas: ba o Duho zhutisarel amenge kasave phare dyi phurdimatanca, so ande vorba nashtig phenen avri.

verso 27

Ba kon perdal hatyarel le ilen, zhanel, ke savej le Duhoske mangajimata, zhanel, ke zhutisarel anda suntura kade sar o Del kamel kodo.

verso 28

Zhanas, ke kon kamen le Devles sakofalo pe lengo mishtyipe perel, kodalenge, kon kathar leski vorba trajin, suntura te aven.

verso 29

Ke kas aba pinzharelas, kodalen pe kodo trajardas, ke kasave te cirden pe leske Shavo, haj kade voj angluno arakhadyilino te avel mashkar le but phral.

verso 30

Kas pale trajardas, kodalen vi akhardas: haj kas akhardas, kodalen vi chachardyimaske kerdas; kas pale chachardyimaske kerdas, kodalen vi luvudyisardas.

verso 31

So te phenas sa pala kadal? Kana amencaj o Del, kon si dushmano amenge?

verso 32

Voj, kon chi peske chache Shaves chi sunusardas, ba kothe dasles anda amende, anda savorazhenende, apol chi delas lesa kethanes sakofalo amenge?

verso 33

Kon avlas doshari le Devleske alosardenge? O Del si kodo, kon o chachardyipe del:

verso 34

kon avlas apol kodo, kon dosharelas? Dore o Kristo Jezush, kon mulas, so majbut, vi opretrajisardyilas, pe Devleski chachi rig si, haj zhutisarel amen?

verso 35

Kon shaj shinel amen kathar le Kristosko kamipe? Chorripe bake kikidyipe? Bokh, nangipe, bida, nashavjipe bake xanro?

verso 36

Sar iskirime si:
„Anda tute mudaren amen sorro dyes,
kade dikhen amen, sar kodale bakren
saven tele mudaren”.

verso 37

Ba sa kadalen tele zhanas te viktornisaras kodaleske zhitipesa, kon kamel amen.

verso 38

Ke kodo zhanav, ke chi meripe, chi trajo, chi andyela, chi kraja, chi le akanutne, chi le avlimaske, chi e zor,

verso 39

chi uchipe, chi milnope, chi kaver sosko kerdyipe nashtig shinel amen kathar le Devlesko kamipe, so ando Kristo Jezush, ande amaro Raj si.

Capítulos:

1 2 3 4 5 6 7 8 9 10 11 12 13 14 15 16