Le Romaivonge iskirisardo lil

Fejezetek:

1 2 3 4 5 6 …   ⇤ ← 4 → ⇥

1. vers

So te phenas apol pa Abraham, pa amaro kathar trupo chacho dad? So reslas voj?

2. vers

Ke kana o Abraham perdal pa peske trabi te chachardyilas, si sosa te asharelpe, ba na kaj o Del.

3. vers

Ke so phenel o Iskiripe?”O Abraham patyalas le Devleske, haj kado chacharimaske zhanglyilas andre leske”.

4. vers

Apol ke kon kerdyimata kerel, kodaleske o potyinipe na anda sunuimaste den, ba anda kodo, ke te potyinen avri o kamipe.

5. vers

Ba kodaleske, kon chi kerel kerdyimata, ba patyal ande kodo, kon chachardeske kerel le bezexasles, atunchi kodaleske lesko patyape len andre chachardyimaske, sar le Devleski gracija phenel kado.

6. vers

Sar vi o David viacarel kodale manushesko anandimo, kaske o Del andre lel o chachardyipe bi kerdyimata:

7. vers

„Anandej, kaske jertisardine lengo nasulipe
haj bisterdine lenge bezexa.

8. vers

Anandej kodo mursh,
kaske o Raj chi lel andre leske bezexa”.

9. vers

Ba kado anandimo numa le krujalÜshindenge perelpe, bake vi le bi krujalshindenge? Ke kodo phenas, ke „o patyape line andre le Abrahameske sar chachardyipes”.

10. vers

Apolal, sar ginadine andre? Bater, na sar krujalshindeske, ba sar bi krujalshindeske.

11. vers

Le krujalshinmaske somnos kade las, sar anda patyape kerdyilino, ando bi krujalshinipe reslino chachardyimasko somno, ke dad te avel sakoneske, kon patyal, ba bi krujalshindoj, haj o chachardyipe vi leske andre te len,

12. vers

haj dad te avel vi le krujalshindenge; na feri kodalenge, kon anda krujalshinde sile, ba vi kodalenge, kon pashardyon kaj amere Abraham dadesko patyape kana bi krujalshindo sas inke.

13. vers

E vorba, ke la lumako arando avla, le Abrahameske haj leske faloske na perdal pa kris dine, ba perdal pa patyapesko chachardyipe.

14. vers

Kana le arando si kodal, kon anda kris si, atunchi o patyape naj anda soste si, haj e vorba khanchij.

15. vers

Ke e kris xolyi kerel. Ke kaj naj kris, kothe chi krisako oprephagipe naj.

16. vers

Anda kodo anda patyape, ke sakofalo anda gracija te avel, haj e vorba chachi te avel sakoneske, na feri kodalenge, kon anda kris sile, ba vi kodalenge, kon anda Abrahamesko patyape si, kon savorazhenengo dad si

17. vers

angla o Del, sar iskkirime si: „bute popularenge dadeske shutom tut”. Voj patyalas kodaleske, kon opretrajarel le mulen, haj kon anav del kodalen, kon najle, ke te aven.

18. vers

Voj sperantipesa patyalas vi po bi sperantipe, kade bute popularengo dad kerdyilas, sar vi phendyilas leske: „Kattyi avla tyo falo”.

19. vers

Haj chi kolyilas ando patyape, haj kana aba karing le shel bersh phirelas, chi gindisardas pe pesko slabo trupo, haj chi pe Sharake shushi utera,

20. vers

haj nas bi patyamno pe Devleski vorba, ba zurardyilas ande pesko patyape, haj das e patyiv le Devleske,

21. vers

ande kodo sagutno gindipe, ke silesi saktimo te kerel kodo, so phendas.

22. vers

Haj kado ginadine andre leske chachardyipeske.

23. vers

Ba na feri pa leste iskirisardine kodo, ke andre ginadine leske,

24. vers

ba vi pamende, kaske andre ginadine, kana patyas ande kodo, kon opretrajardas anda meripe le Jezushes, amare Rajes,

25. vers

kon anda amare bezexa perdal davadyilas, haj anda amaro chachardyipe opretrajisardas.

Fejezetek:

1 2 3 4 5 6 7 8 9 10 11 12 13 14 15 16