Lil le biboldenge
5. fejezet
1. vers
Ke sakone angrashajes mashkar manusha alosaren, haj anda manusha vladisaren ande Devlikane butyange trabi, ke angla o Del te ingrel lenge butya, ke dimata haj sarkafimura te sikavel andre anda bezexa.
2. vers
Jertimasko zhanel te avel kaj le bi zhangle, ke vi voj krujal si lino slabipesa,
3. vers
haj kade sar anda popularo, kade vi anda peste sarkafimo trubuj andre te sikavel anda bezexa.
4. vers
Pe kadi butyi khonyik chi alosarelpe, ba kas o Del akharel, sar le Arones.
5. vers
Kade chi o Kristo na pes luvudyisardas, ke angrashaj te avel, ba kodo, kon kodo phendas leske:
„Muro Shavo san tu, adyes andom tut pe luma”
6. vers
Haj sar vi pe kaver thaneste phenel:
„Tu rashaj san sagda sar so si kathar le Melkizeda”.
7. vers
Voj, ande peske trupaslimaske dyesa peske rudyimata haj mangaimata bare cipimatasa andre sikadas kodaleske, kon shaj muntosardas les kathar o meripe; haj vi ashunipe reslas anda pesko patyivipe.
8. vers
Apol le Devlesko Shavo sas, ba muklimata sityilas anda kodo, so dukhardas:
9. vers
haj kana reslas kaj o andrepherdyipe, sagutno muntoimasko anglipe kerdyilas sa kodalenge, kon mukenpe leske,
10. vers
ke o Del angrashajeske phendas les, sar so si kathar le Melkizeda.
Le kethanipesko slabipe
11. vers
But sakofalo trubuj pa kado te phenas, haj vi pharo si te vorbisaras pa leste, ke agorimaske kerdyiline po ashunipe;
12. vers
ke ande kadi vrama sityarenge trubujas aba te aven, ba pale kodo trubuj tumenge, ke varikon te sityarel tumen pa Devleske sityarimaske butya; kasave kerdyiline, sar kas thud trubuj, haj na zuralo xamasko.
13. vers
Ke sa kodo, kon thud lel, bi zhanimaskoj ande chachimasko sityaripe, ke inke cino shavoro si;
14. vers
le federeske pale o zuralo xaben perelpe, kodalenge, kon kathar but zumavjipe oprezurardine pengo hatyaripe, ke te zhanen te alosaren o lasho haj o nasul.
Könyvek
