Lil le biboldenge

chapter 5


Chapters:


verse #1

Ke sakone angrashajes mashkar manusha alosaren, haj anda manusha vladisaren ande Devlikane butyange trabi, ke angla o Del te ingrel lenge butya, ke dimata haj sarkafimura te sikavel andre anda bezexa.


verse #2

Jertimasko zhanel te avel kaj le bi zhangle, ke vi voj krujal si lino slabipesa,


verse #3

haj kade sar anda popularo, kade vi anda peste sarkafimo trubuj andre te sikavel anda bezexa.


verse #4

Pe kadi butyi khonyik chi alosarelpe, ba kas o Del akharel, sar le Arones.


verse #5

Kade chi o Kristo na pes luvudyisardas, ke angrashaj te avel, ba kodo, kon kodo phendas leske:
„Muro Shavo san tu, adyes andom tut pe luma”


verse #6

Haj sar vi pe kaver thaneste phenel:
„Tu rashaj san sagda sar so si kathar le Melkizeda”.


verse #7

Voj, ande peske trupaslimaske dyesa peske rudyimata haj mangaimata bare cipimatasa andre sikadas kodaleske, kon shaj muntosardas les kathar o meripe; haj vi ashunipe reslas anda pesko patyivipe.


verse #8

Apol le Devlesko Shavo sas, ba muklimata sityilas anda kodo, so dukhardas:


verse #9

haj kana reslas kaj o andrepherdyipe, sagutno muntoimasko anglipe kerdyilas sa kodalenge, kon mukenpe leske,


verse #10

ke o Del angrashajeske phendas les, sar so si kathar le Melkizeda.


Le kethanipesko slabipe


verse #11

But sakofalo trubuj pa kado te phenas, haj vi pharo si te vorbisaras pa leste, ke agorimaske kerdyiline po ashunipe;


verse #12

ke ande kadi vrama sityarenge trubujas aba te aven, ba pale kodo trubuj tumenge, ke varikon te sityarel tumen pa Devleske sityarimaske butya; kasave kerdyiline, sar kas thud trubuj, haj na zuralo xamasko.


verse #13

Ke sa kodo, kon thud lel, bi zhanimaskoj ande chachimasko sityaripe, ke inke cino shavoro si;


verse #14

le federeske pale o zuralo xaben perelpe, kodalenge, kon kathar but zumavjipe oprezurardine pengo hatyaripe, ke te zhanen te alosaren o lasho haj o nasul.

Chapters:


Books