Lil le biboldenge

chapter 9


Chapters:


Le Dulmutane Teshtamentosko delpatyivisaripe


verse #1

Sas apol vi le majangluneske delpatyivisarde krisa haj kathar lumake sunci thana,


verse #2

ke opretordyardine e cerha, e angluni, ande soste sas phabardi, mesalya haj avrishutine manre; kadales anavaren suntone thaneske.


verse #3

Pala dujto colo pale kodi cerha si, so suntonge suntoske anavaren,


verse #4

ande soste le somnakajesko thuvardo haj la konvencijako shifonyi sas, pe sako rig somnakajesa sas avri mardo, ande kado pale e somnakuni vedra sas ande soste e manna inkrenas, le Aroneski avriluludyasli rolyi, haj la konvencijake skundura.


verse #5

Opral pe lene le luvudyimaske kerubura sas, save andre ushajinisarenas lesko opralutnipe; sa pa kado akanak pa jekh po kaver chi trubuj te vorbisaras.


verse #6

Haj ke kadal kade sas lashardine, ande angluni cerha sagda andre ushtyavenas le rashaja, ke te lasharen le sarkafimosko slugipe;


verse #7

ba ando dujto aba andekh bersh numa jekhar, feri korkoro o angrashaj, haj chikana na bi ratesko, so andre sikavel anda pesko haj anda popularenge bezexa.


verse #8

Kadalesa kodo kamelas te somnosarel o Sunto Duho, ke kaj o sunto than ingerdo dom zhikaj kodo chi dicholas, zhikaj e angluni cerha opretordyolas.


verse #9

Kado somno si vi kadale vramenge, kana kasave dimata haj sarkafimura sikaven andre, save le andre sikavares ande duhosko hatyaripe nashtig vazden les federeske,


verse #10

ke kadal numa anda xamasko haj pimata haj anda thovjimata tordyonas, apolal anda trupikane angle iskirimata; kadal zhikaj o andre pherdyipe sas dosta.


Le Kristosko jekhtuno sarkafimo


verse #11

Ba o Kristo sar le avlimaske anglrashaj sikadyilas, anda majbari haj majfeder, na vastenca kerdi cerha perdal,


verse #12

china na perdal pa bakrengo bake vicavengo rat, ba perdal pa pesko rat gelas andre jekhtunes haj sagutnes po sunto than, haj sagutno fimlalipe kerdas.


verse #13

Ke perdal pa bakrengo bake bikongo rat, haj pa vicavengo shordino praho le biuzhen suntosarel pe truposko uzhardyipe,


verse #14

sodivar majfeder kerla le Kristosko rat, kon perdal pa sagutno Duho pes das uzhe sarkafimoske le Devleske, ke te uzharel amare duhosko hatyaripe kathar le mule pecimata, haj le trajinde Devleske te slugisaras!


verse #15

Kade apol jekhe Nyeve Teshtamentosko perdal dinari si: voj, kon peske merimasa slobodisardas amen kathar kodal kris oprephaglipe, so tala o angluno Teshtamento pecisajlinetar, ke le akharde te resen le sagutnes inkerdino arandimosko para paratnipe.


verse #16

Ke kaj o palunovladipe si, kothe andre trubuj te pecisardyol le vladisaresko meripe.


verse #17

O palutnovladipe numa ando meripe pherdyol andre, zhikaj kodo chi pherdyol andre, zhikaj trajil o vladisari.


verse #18

Kade chi le anglunes chi suntosardine opre bi ratesko,


verse #19

ke vi o Mozesh pala soste opreginadas la krisako sako vladipe le intregone manushenge, xutyildas le vicavengo haj bakrengo rat, haj paji, loli postila haj izhopo shordas pe peste, le kethane vulusardine iskirimatan haj le intregone manushen,


verse #20

haj mashkarutnes kado phendas:”Kado le Teshtamentosko rat si, so o Del vladisardas pe tumari rig”


verse #21

Vi la cerha haj sa le delpatyivisardenge inshtrumenta zhikade tele shordas ratesa.


verse #22

Ke e kris kodo phenel, ke majna sako butyi kathar o rat uzhosardyol, ke bi ratesko naj bezexjertipe.


verse #23

Trubusardas apol ke le chereske mosurimatan kasavenca te uzharen: le cherikane butyan pale kathar kadal majrajkane sarkafimonca.


verse #24

Ke o Kristo na ando kathar e vast kerdino sunto than ushtyilas andre, so le sipesko numa somnope si, ba voj ando cheri gelas, ke akanak angla o Del te sikadyol anda amende;


verse #25

haj chi na anda kodo, ke butivar opre te sarkafimosarel pes, sar o angrashaj ande sako bersh andre zhal po sunto than strenone ratesa;


verse #26

ke kade butivar trubusardino te dukhardyol kathar la lumako anglalipe; kade pale jekhar sikadyilas ande vramengo intregonipe, ke peske sarkafimosa te kosel e bezexa.


verse #27

Haj ke angle si gindisardo, ke le manusha jekhar trubuj te meren, haj pala kodo avel o krisaripe,


verse #28

kade vi o Kristo jekhar kerdyilas sarkafimoske, ke butenge bezexa te lel: po dujto bi bezexako sikadyola pe kodalengo muntosardyipe, kon les zhukaren.

Chapters:


Books