Lil le biboldenge

chapter 3


Chapters:


O Shavo haj o Mozesh


verse #1

Anda kado apol, suntone phralale, le rajune butyake rigasle, dikhen pe amare patyapesko angrashaj, po Jezush,


verse #2

kon chachoj kaj kodo, kon les bishaldas, sar ke kodo sas vi o Mozesh ande lesko intrego kher.


verse #3

Ke kattyivar maj luvudyimaske inkerdine les kathar o Mozesh, sodenca maj bari patyiv si kodales ando kher, so voj kerdas.


verse #4

Ke sakone kheres si kon oprevazdasles: kon pale o sagutnipe kerdas, kodo o Del si.


verse #5

Ba sar o Mozesh chacho sas ande lesko intrego kher sar sluga, sar chachari sa kodaleske so trubulas te viacaren,


verse #6

zhikaj kodo o Kristo, sar Shavo, opralutnes tordyol pe pesko kher. Kado kher ame sam, kana o patyape o luvudyipe haj o sperantipe sagda zurales inkrasa.


Le Devleski vorba sar krisaripe


verse #7

Anda kado – sar o Sunto Duho phenel:
„Adyes, kana ashunen leski vorba,


verse #8

tena capenisaren tumaro ilo,
sar ando kerkaripe, pe zumavjipesko dyes ande pusta,


verse #9

kaj tumare dada zumadine man ande zumavjimata,
vi atunchi kana dikhline mure kerdyimata


verse #10

zhi tala shtarvardesh bersh!
Xolyajlom anda kado pe kodo generaciovo
haj kade dem duma:
Sagda numa shiladyon ande pengo ilo!
Ba von chi pinzhardine opre mure droma.


verse #11

Sar vi colaxardom ande muri xolyi:
Chi zhan andre ande muri pacha!


verse #12

Len sama, phralale, tena avel mashkar tumende po bi patyape bandyilino ilo, tena shindyoltar kathar o trajisardo Del!


verse #13

Barem zuraren jekhavres sako dyes, zhikaj kodo chi phenen:”adyes”, tena capenisarel vi varikas mashkar tumende la bezexako xoxamnipe.


verse #14

Ke le Kristoske rigasle kerdyilam, ba feri atunchi, kana pe kodo fundo, so voj kerdas sagda zurales avri inkras,


verse #15

zhikaj kodo chi phenen:
„Adyes, kana ashunen leski vorba,
tena capenisaren tumaro ilo,
sar ande kodo kerkaripe!”


verse #16

Ke unyizhene, kana kado ashundine, kerkardine le Devles: ba na savorazhene, kon tala Mozesh anda Edyiptomo avriaviline.


verse #17

Pe kaste xolyajvelas shtarvardesh bersh? Na pe kodal kon bezexardine, haj kaske mulikane trupura pustisajlas ande pusta?


verse #18

Kaske colaxardas, ke chi zhana andre ande leski pacha, kana na kodalenge, kon bi patyamne sas?


verse #19

Haj vi dikhlam, ke china nashtig geline andre anda lengo bi patyamnipe.

Chapters:


Books