Lil le biboldenge

Chapters:

1 2 3 4 5 6 …   ⇤ ← 4 → ⇥

verse #1

Apol ke inke angla amende si e vorba dimata, so pa ande leski pacha andre zhalipe vorbil, te daras kathar kodo, ke mashkar tumende varisaves palutnes reslimaske te inkren!

verse #2

Ke e lashi viaca avri phendas amenge zhikade, sar lenge; ba lenge chi pelas po mishtyipe e ashundi vorba, ke chi pashardyilas o patyape sa kodalesa, so ashundine.

verse #3

Ke numa atunchi shaj zhas andre ande pacha, te patyasa, sar vi phendasles:
„Sar colaxardom ande muri xolyi:
Chi zhan andre ande muri pacha!”
– atunchi, kana la lumake kerdyimaske trabi andre agorisajline.

verse #4

Ke pe jekh than kade das duma pa eftato dyes: „Haj o Del ande pacha hodinisrdas o eftato dyes, chi kerdas khanchi”.

verse #5

Zhikade vi pe kado than: „Chi zhan andre ande muri pacha!”

verse #6

Apol ke inke anglalutnes si, ke unyizhene andre te zhan ande kodo, ba kodal, kaske majanglal viacardineles, chi geline andre anda bi muklipe,

verse #7

pale phenel jekhe dyeses:”Adyes”– phenel perdal pa David, pala kattyi vrama, sar opralutnes phenel:
„Adyes, kana ashunen leski vorba,
tena capenisaren tumaro ilo”.

verse #8

Ke o Jozhue te andino leske e pacha, chikana vorbisardino pala kado pa kaver dyes.

verse #9

Apol kade e savatoneski pacha le Devleske manushenge si angle lashardino.

verse #10

Ke kon andre gelas ande leski pacha, vi voj pachardyilas kathar leske kerdyimata, sar vi o Del kathar leske.

verse #11

Apol te kamas andre te zhas ande pacha, tena vi varikon le bi muklimaski zhikodi parabola te kerel.

verse #12

Ke le Devleski vorba zhuvindo haj zuralo si, majzuralo si zhikathar sosko xanro, ando zhuvindo shinel haj pinzharel le hatyarimasko haj le duhosko andralipe, haj krisarel le ileske haj le gindimatange trabi.

verse #13

Chi sosko zhuvindo kerdyipe naj bi dikhlimasko angla leste, ba sakofalo nango haj puterdo si angla kodaleske jakha, kaske vorba trubuj te das.

verse #14

Apol ke kasavo lasho angrashaj si amen, kon perdal avilas pa cheri, o Jezush, le Devlesko Shavo, te inkras avri pasha patyape.

verse #15

Ke na kasavo angrashaj si amen, kon chi zhanel te jertisarel amare slabimata, ba kasavo, ke sar ame ande sakofaloste zumavjipe dukhardas, numa chi bezexardas.

verse #16

Te zhas apol patyamnes angla gracijako trono, ke jertipe te resas, haj gracija te rakhas, ande lashi vramate avilino zhutisaripe.

Chapters:

1 2 3 4 5 6 7 8 9 10 11 12 13