Lil le biboldenge

Chapters:

1 2 3 4 5 6 …   ⇤ ← 2 → ⇥

verse #1

Anda kado, inke majfeder andre trubuj te inkras sa kodo, so ashundam, ke varisar, tena shiladyuvastar.

verse #2

Ke kana vi kathar andyela viacardine alava kasave bare sas, ke sako bezex haj bi muklipe reslas pesko chachipesko krisaripe,

verse #3

sar muntosardyuvas atunchi ame, kana chi grizhosardyuvas kasave bare muntoipesa? Kado, pala soste anglalardyilas kathar le Rajesko sityaripe, kodal, kon ashundine les, zurardine les pe amari rig,

verse #4

haj lenca kethanes vi o Del chacharipe kerdas pa leste somnonca haj chudimatanca, kathar lesko kamipe but falura sikadyimatanca haj le Suntone Duhoske vorbimatanca.

verse #5

Ke na le andyelonge shutas telalutnimaske la luma so avlatar, haj pa soste vorbisaras.

verse #6

Haj inke po jekh than varikon vi chacharipe kerdas pa kado:
„So si o manush, ke serosardyos pa leste,
haj le manushesko shavo, ke zhas te dikhes les?”

verse #7

Cerrasa kerdan les majcineske kathar le andyela:
luvudyipesa haj patyivipesa krajardan les,

verse #8

haj sakofalo tala leske punre shudan”
Ke kodalesa, ke sakofalo talaleste shudas, chi muklas khanchi, so tena avlas telalshudimasko leske. Ba akanak inke chi dikhas, ke sakofalo talaleste si shudino.

verse #9

Ba dikhlam, ke o Jezush, kon cerrasa kerdyilas majcineske kathar le andyela, anda merimasko dukhardyipe luvudyipesa haj patyivipesa krajardasles, ke kathar le Devleski gracija anda sakoneste te zumavel le meripes.

verse #10

Ke patyivisardyilas kaj kodo, anda kaste haj kathar kaste sakofalo si, haj kon bute shaven kamel ando luvudyipe te ingrel, ke kon anel lenge o muntoipe perdal pa dukhipe te ingrel po intregonipe.

verse #11

Ke kon suntosarel haj kon suntosardyon, kathar jekh si savorazhene. Anda kado chi lazhalpe len phraleske te phenel,

verse #12

kana kade del duma:„Viacarav tyo anav mashkar mure phral:
ando kethanipe asharo tut”.

verse #13

Haj pale:
„Patyo ande leste”.
Haj pale:
„Aketa, me haj mure shavora, kas o Del mange das”.

verse #14

Ke le shavora rigaslej le truposke haj le rateske, zhikade vi voj rigako kerdyilas kadalenge, ke perdal pa meripe tele te rumusarel kodo, kas rajipe sas po meripe, le benges,

verse #15

haj te muntul kodalen, kas le merimaski dar zhi ande lengo intrego trajo ando phanglipe inkrelas.

verse #16

Ke apol, na le andyelon angalyisardas opre, ba le Abrahameske falos angalyisardas opre.

verse #17

Anda kado ande sakofaloste trubusardas te cirdel pe peske phral, ke jertisardo te avel, haj chacho anglalutno rashaj angla o Del, ke avri te pacharel le manushenge bezexa.

verse #18

Apol ke vi voj hatyardas o dukhipe haj o zumavjipe, pe lengo zhutipe zhanel te avel kodalenge, kon zumavjipe dukhardyon.

Chapters:

1 2 3 4 5 6 7 8 9 10 11 12 13