Lil le biboldenge

chapter 11


Chapters:


Le dulmutanedada


verse #1

O Patyape pale fundoj kodaleske, so sperantisaras, haj andre sikadyipe si kodaleske, so chi dikhas.


verse #2

Le dulmutane pa kado shutine chacharipe.


verse #3

Kathar o patyape pinzhardam, ke la luma le Devlesko alav kerdas, haj anda na dikhlimaske butya kerdyilas sa kodo, so dikhlimaskoj.


verse #4

Ke patyalas, anda kodo sikadas andre o Abel majrajkano sarkafimo, sar o Kain, kade chacharipe reslas pa kodo, ke chachoj, ke o Del chacharipe kerdas pasha leske tofnimata: haj perdal pa lesko patyape inke vi pala lesko meripe vorbil.


verse #5

Ke patyalas, anda kodo lavadyilastar o Henok, ke meripe tena dikhel: chi arakhline les, ke o Del las les. Ke angla lesko lavadyipe chacharipe las, ke le Devleske fajlimasko sas.


verse #6

Haj bi patyapesko nashtipe si pe fajlimaste te aven le Devleske, ke kon kaj o Del zhal, kodaleske trubuj te patyal, ke voj si, haj vojisarela kodalen, kon les roden.


verse #7

Ke patyalas, anda kodo kerdas devlikane daramnipesa bero o Noe te muntul peski familia, pala soste avrisikadyipe las pa inke na dikhlimaske butya,: haj kathar pesko patyape krisardas la luma, haj le chachimasko rigako kerdyilas, so anda patyape anglalardyol.


Le patriarki


verse #8

Ke patyalas, anda kodo muklaspe kodo, kas Abrahameske akharen, ke te zhaltar pe kodo than, so anda muklimaste trubusardas te lel. Gelastar, ba chi zhanelas kaj zhal.


verse #9

Ke patyalas, anda kodo ashilas pe paratnimataski phuv, sar pe streno phuv, ande cerhi beshlines le Izhakesa haj le Jakobesa, le paratnimaske amal arandimarenca;


verse #10

ke zhukarenas le foros, savo po zuralo fundo tordyol, saves o del kerel haj vazdel opre.


verse #11

Ke patyalas, anda kodo las zor vi e bi sumburaki Shara phari te kerdyol, inke vi kade ke phuri sas, ke chacheske inkrelas kodales, kon e vorba das.


verse #12

Anda kado falosardine kathar jekh manush – apol kathar jekh zor xasardimaskirestar – kasave but zhene, sar le chereske cherhaja, haj sar le bi shaj ginavjimasko kishaj, so pe maraki dolma si.


verse #13

Von savorazhene ando patyape muline, bi kodalesko, ke reslinesas le paratnimatan. Numa dural dikhenas haj patyivinas kodalen, haj avriphendine, ke dromara haj avlimara si pe phuv.


verse #14

Ke kon kade vorbin, kodol somnosaren, ke them roden.


verse #15

Kana zhi pe kodo gindisardinesas, anda soste avriaviline, inke avilosas len vrama palpale te zhan,


verse #16

ba von po majlasho dorosarenpe, karing o rajo. Anda kado o Del chi lazhal len, kana les penge Devleske akaren, ke foro kerdas lenge.


verse #17

Ke patyalas, anda kodo sarkafimosardas opre o Abraham le Izhakos, kana avri zumadyilas: opresarkafimosardas peske jekhar-arakhadyilines, kon le vorba dimatan las,


verse #18

kana kodo phendine leske: „Le Izhakeske shavoren akharena tye faloske”.


verse #19

Ke patyalas ande kodo, ke le Devles siles saktimo vi anda meripe opre te trajarel: anda kado peske shaves – sar anglipes – vi palpale las.


verse #20

Ke patyalas ande avlimaske butya, anda kodo ashtyilisardas vi o Izhak le Jakobos haj le Ezhaues.


verse #21

Ke patyalas, anda kodo ashtyilisardas o Jakob, kon po meripe sas peske solduje shaven, haj rudyindes burdosardyilas opre pe peski rolyako agor.


verse #22

Ke patyalas, anda kodo serosardyilas o Jozhef, kon po meripe sas pa Izraeleske shavengo avrizhalipe, haj vladisardas pa peske kokala.


Le patyapeske majbut chachara


verse #23

Ke patyanas, anda kodo garavelas lesko dad haj dej le Mozheshes trin shon, kana dikhline, ke shukar si o shavoro, haj chi daranas kathar le krajesko vladipe.


verse #24

Ke patyalas, anda kodo asvikardas o Mozesh kana oprebarilas, ke voj le faraovoske shejako shavo si.


verse #25

Barem kodo alosardas, ke dukhardyipe te resel le Devleske popularenca, sar le bezeximaski cerra vramaki mishto hatyaripe te resel.


verse #26

Kathar le edyiptomickange avuciji majbare barvalimaske inkrelas le Kristosko dukhardyipes, ke po potyinipe dikhelas.


verse #27

Ke patyalas, anda kodo gelastar anda Edyiptomo, haj chi daralas kathar e karajeski xolyi: sar te dikhlino le Bi dikhlines; zuralo ashilas.


verse #28

Ke patyalas, anda kodo patyivilas la patradya haj le ratesa kerdino shordyipe, ke tena resel lende kodo, kon le anglune arakhadyilsarden mudardas.


verse #29

Ke patyanas, anda kodo geline perdal pe Loli-mara sar pe shuki phuv: kana kado vi le edyiptoicka kamline te keren, nakhadas len.


verse #30

Ke le manusha patyanas, anda kodo rumusardyiline tele le Jerikovoske zidura, pala soste efta dyes krujal phirdine kodo.


verse #31

Ke patyalas, anda kodo chi xasardyilas le bi patyamnenca e Rahab, kon pachasa andre xutyildas le garaden.


verse #32

Haj kas te pomonisarav inke? Avri zhos anda vramate, te vorbsaros pa Gedeon, pa Barak, pa Shamshon, Jafet, David, Shamuel haj pa profeti,


verse #33

kon, ke patyanas, tele mardine themen, chachimata kerenas, vorba dimatan resline, levongo mujen pizdine andre,


verse #34

tele mudardine la jagaki zor, ferisajline kathar xanresko shinipe, opre sastyiline anda nasvalimata, anglalutne sas ando maripe, nashadine le strenon;


verse #35

kade line palpale le romnya pala opretrajisardyipe penge mulen. Sas kas pe dukhimasko kasht cirdine, ba chi kade chi trubulas lenge o slobodipe, ke majlasho opretrajisardyipe te resen,


verse #36

kaveren avri prassanas haj ande robija shudenas, haj vi sastra haj maripe dukharenas;


verse #37

barrenca shudenas len, mashkaral shinenas len, xanrenca mudarenas len, ande bakrenge haj busnyange morcha garadyonastar, kikidyipe dukarindes ando baro chorripe.


verse #38

Pe kaste nas dosta e luma, ande kishajicka phuva phirenas nakhenas, mashkar plaja, ande caverni haj vi ande phuvake gropi.


verse #39

Haj sa kadalen, kas lengo patyape chachardas, chi resline e vorba dimata,


verse #40

ke pe lengi rig o Del majlasho variso vladisardas, haj von bi amaro nashtig resline po federipe.

Chapters:


Books