Lil le biboldenge

chapter 6


Chapters:


verse #1

Kade apol, rigate shas le Kristoske sityarimaske riga, haj pe majfedera trabi zhas perdal, haj chi shas pale tele o fundo anda mule trabi kerdyilino Del patyamnipe,


verse #2

pa bolimatango sityaripe, haj pa vastesko opre shutipe, pa mulengo opretrajisaripe haj pa sagutno krisaripe.


verse #3

Vi kado kerasa, o Del te mukela.


verse #4

Ke bi shajipe si kodo, ke kon varikana fimlalisardyiline, zumadine o rajuno dimatipe, resline le Suntone Duhos,


verse #5

haj zumadine le Devleski kuch alava haj le avlimaske lumaki zor,


verse #6

pal kodo vi kade pelinetar, ke pale te nyevjardyon po bezexbunuipe. Ke von pale po trushul tannaren le Devleske Shaves, sar pe lende tordyol, haj avri prassan les.


verse #7

Ke kodi phuv, savi andre pel o brishind, haj lasho vegetato barol kodalenge, kon lasharen len, kathar o Del ashtyilipe resen;


verse #8

ba kodo savo kanro haj churindi upajil, tele dikhlimasko si, armaja krujinles, haj leski zheja kodi si, ke ande jag phabardyolatar.


verse #9

Ba tumendar, mure kamade, majlasho sperantisaras, apol kodo, so majpashe si kaj o muntuipe, ba vi kade, ke kade vorbisaras.


verse #10

Ke o Del naj bi chachimasko, ke te bisterdyol pa tumaro kerdyipe haj pa kamipe, so ande lesko anav chachardine, kana le suntonge slugisardine haj vi slugin.


verse #11

Kodo dorosaras, ke mashkar tumende savorazhene zhikodo muklipe te kerel zhi kaj o agor, zhikaj o sperantipe andre chi pherdyol,


verse #12

haj tena aven khanchikerdine, ba zhan pala kodal, kon perdal pa patyape haj pa pachimasko toleranshipe rigasle si la vorba dimatake.


O paratnimope, so andre pherdyola


verse #13

Ke kana o Raj le Abrahameske das peski vorba, apol ke lestar nas khonyik majbaro pe kaste te del colaxa, pe peste das colaxa:


verse #14

„Bater, ashtyilisardines ashtyilisarav tut haj butindes butarav tut.”


verse #15

Kodo pale pachikanes reslas o paratnimope.


verse #16

Ke le manusha pendar po majbaro colaxaren, haj lenge xapengo agor sagda e zurali colax si.


verse #17

Anda kado o Del, ke andre te sikavel le paratnimaske arandomenge peske gindimasko bi kaver kerdyipe, colaxasa phanglaspe tele,


verse #18

ke kathar duj kaver nashtig kerdyiline butya, ande soste o Del nashtig xoxavel, chachikanes zuralo ushoripe te avel amen, kon kamas te resas e angla amende shutini sperantimata.


verse #19

Kado si amare duhosko capeno inkripe, so zhi ando andralutnipe andre resel,


verse #20

kaj sar amaro anglalari, anda amende ushtyilas andre o Jezush, kon sar kathar le Melkizeda ang rashaj kerdyilas sagutnes.

Chapters:


Books