Lil le biboldenge
6. fejezet
1. vers
Kade apol, rigate shas le Kristoske sityarimaske riga, haj pe majfedera trabi zhas perdal, haj chi shas pale tele o fundo anda mule trabi kerdyilino Del patyamnipe,
2. vers
pa bolimatango sityaripe, haj pa vastesko opre shutipe, pa mulengo opretrajisaripe haj pa sagutno krisaripe.
3. vers
Vi kado kerasa, o Del te mukela.
4. vers
Ke bi shajipe si kodo, ke kon varikana fimlalisardyiline, zumadine o rajuno dimatipe, resline le Suntone Duhos,
5. vers
haj zumadine le Devleski kuch alava haj le avlimaske lumaki zor,
6. vers
pal kodo vi kade pelinetar, ke pale te nyevjardyon po bezexbunuipe. Ke von pale po trushul tannaren le Devleske Shaves, sar pe lende tordyol, haj avri prassan les.
7. vers
Ke kodi phuv, savi andre pel o brishind, haj lasho vegetato barol kodalenge, kon lasharen len, kathar o Del ashtyilipe resen;
8. vers
ba kodo savo kanro haj churindi upajil, tele dikhlimasko si, armaja krujinles, haj leski zheja kodi si, ke ande jag phabardyolatar.
9. vers
Ba tumendar, mure kamade, majlasho sperantisaras, apol kodo, so majpashe si kaj o muntuipe, ba vi kade, ke kade vorbisaras.
10. vers
Ke o Del naj bi chachimasko, ke te bisterdyol pa tumaro kerdyipe haj pa kamipe, so ande lesko anav chachardine, kana le suntonge slugisardine haj vi slugin.
11. vers
Kodo dorosaras, ke mashkar tumende savorazhene zhikodo muklipe te kerel zhi kaj o agor, zhikaj o sperantipe andre chi pherdyol,
12. vers
haj tena aven khanchikerdine, ba zhan pala kodal, kon perdal pa patyape haj pa pachimasko toleranshipe rigasle si la vorba dimatake.
O paratnimope, so andre pherdyola
13. vers
Ke kana o Raj le Abrahameske das peski vorba, apol ke lestar nas khonyik majbaro pe kaste te del colaxa, pe peste das colaxa:
14. vers
„Bater, ashtyilisardines ashtyilisarav tut haj butindes butarav tut.”
15. vers
Kodo pale pachikanes reslas o paratnimope.
16. vers
Ke le manusha pendar po majbaro colaxaren, haj lenge xapengo agor sagda e zurali colax si.
17. vers
Anda kado o Del, ke andre te sikavel le paratnimaske arandomenge peske gindimasko bi kaver kerdyipe, colaxasa phanglaspe tele,
18. vers
ke kathar duj kaver nashtig kerdyiline butya, ande soste o Del nashtig xoxavel, chachikanes zuralo ushoripe te avel amen, kon kamas te resas e angla amende shutini sperantimata.
19. vers
Kado si amare duhosko capeno inkripe, so zhi ando andralutnipe andre resel,
20. vers
kaj sar amaro anglalari, anda amende ushtyilas andre o Jezush, kon sar kathar le Melkizeda ang rashaj kerdyilas sagutnes.
Könyvek
