Lil le biboldenge
8. fejezet
O Kristo, le Nyeve Teshtamentosko perdaldinari
1. vers
Ba sa anda kodo, so kamas te phenas, kado si o angluno: kasavo angrashaj si amen, kon pe Opralutneski chachi rig beshel ando cheri,
2. vers
sar le suntone thaneski sluga haj le chache cerhaske, saves na manush, ba o Raj kerdas.
3. vers
Apol ke sakone rashajes pe le tofnimatango haj pe sarkafimongo andre sikadyipe vladisaren, anda kado trubuj, ke vi les te avel variso, so andre sikavel.
4. vers
Kana voj pe phuv avlas, china chi avlas rashaj, ke kadal kathar e kris sikaven andre sarkafimo,
5. vers
le chereske trabengo mosuripeske haj tunyarikipeske slugisaren, sar o Del le Mozesheske phendas, kana e cerha kerdas:”Dikh– phendas –,ker sakofalo kade, so tuke po plaj sikadom!”
6. vers
Ba voj akanak kattyenca majlasho slugipe las, sodenca majlashe konvencijake perdal dinari si, so kathar majbare paratnimata fundosajvel.
7. vers
Ke o angluno bi doshako te avilisardino, kade chi trubusardino kaver.
8. vers
Anda kado del pe lende duma, haj phenel: „Aketa, avena dyesa – phenel o Raj –,kana nyevi konvencija phandav le Izraeleske kheresa haj le Judaske kheresa,
9. vers
na kathar kodi konvencija, so lenge dadenca phanglom pe kodo dyes, kana xutyildom lenge vast, avri te ingrav len pa Edyiptomeski phuv. Apol ke von chi ashiline andre ande muri konvencija, vi me shudom len– phenel o Raj –
10. vers
Kado kodi konvencija si, so le Izraeleske kheresa phando pala kodal dyesa – phenel Raj; –Ande lengi godyi dav mure krisan, haj ande lengo ilo iskirisarav kodalen: me lengo Del avo, von pale mure populara avna.
11. vers
Atunchi maj khonyik chi sityarela peske dopashone vortakos, haj khonyik chi phenela peske phraleske: »Pinzhar le Rajes!«, ke savorazhene pinzharena man, zhikathar o majcino zhikaj o majbaro;
12. vers
haj me jertisaro lengo nasulipe, haj pe lenge bezexa aba chi seroja”.
13. vers
Kana pa „nyevo” vorbilas, le anglunes dulmutaneske kerdas. Haj so pale dulmutano haj phuro kerdyol, pashe phirel kaj o nachilipe.
Könyvek
