Lil le biboldenge
13. fejezet
Opreakharipe po chacho kristianicko trajo
1. vers
O phralikano kamipe te ashol ande tumende!
2. vers
Na bisterdyon te den e patyiv le manushenge, ke perdal pa kodo unyizhene, kade ke china chi zhanen pa leste andyelon xutyilen andre te del len than.
3. vers
Serosardyon pa robura, sar vi tume lenca kethanes robura te avenas, haj pa kodala, kas azban, ke vi tume ando trupo trajin.
4. vers
Patyivalo te avel o ansueripe ande sakofaloste, haj uzho o ansurimasko pato: ke le marhimaskiren haj le ansuripe oprephagaren krisarel o Del.
5. vers
Te avel tumaro trajo bi xanzhvalimasko, te avel tumenge dosta kodo, so si tumen: ke voj phendas:
„Chi mukav tut, haj chi zhavtar tutar”,
6. vers
anda kado patyamnipesa shaj phenas:
„O Raj si muro zhutori, chi darav,
manush apol so dosh zhanelas te kerel mange?”
7. vers
Serosardyon pa tumare anglalara, kon tumenge le Devlesko alav-viacardine, dikhen lenge trajosko agor, haj patyan lengo patyape!
8. vers
O Jezush Kristo zhikodo si aratyi, so adyes, haj sagutnes.
9. vers
Le but falicka haj strenone sityaripenca na muken te xoxaven tumen: ke kodo si o majlasho, kana le iles gracijasa zuraras, haj na xabenenca, save chi zhutin kodalenge, kon kodalesa trajin.
10. vers
Si amen oltara, pa sote nashtig xan kodal, kon la cerhake slugin.
11. vers
Ke save pedosko rat o angrashaj anda bezex po sunto than ingrel, kodalesko trupo avral pa cerha phabaren.
12. vers
Kade vi o Jezush, ke perdal pa pesko rat te suntosarel le popularen, avral pa vudar dukharlas.
13. vers
Aven apol avral leste, haj phiravas lesko marhipe.
14. vers
Ke naj kathe amen ashilimasko foro: le avlimaskires rodas.
15. vers
Perdal pa leste sikavas apol andre le Devleske le asharimasko sarkafimo, apolal amare vushtengo frukto, so lesko anav asharel.
16. vers
Pa lasho kerdyipe haj dimatipe apol na bisterdyon, ke kasave sarkafimura faj le Devleske.
17. vers
Muken tumen tumare anglalarenge, keren so phenen, ke kade len sama von pe tumende, sar kon vorba dena anda tumaro duho, muk keren kado losshanes haj na pharindes, ke kado chi avlas mishto tumenge.
18. vers
Rudyin anda lende, ke patyas ande kodo, ke uzhoj lengo duhosko hatyaripe, ke ande sakofaloste mishtyipe kamas te keras.
19. vers
Anda kado mangav tumen, keren kade, ke inke majsigo palpale te len.
Andreagoripe: ashtyilimata haj drobovjimata
20. vers
Le pachimasko Del pale, kon amare Rajes, le Jezushes, le bakrenge bare malyares anda meripe avriingerdas ando sagutno Teshtamentosko rat,
21. vers
te kerel federeske tumen ande sakono lashipe, ke te keren lesko kamipe. Kodo butyarel ande amende, so angla leste skunpoj, perdal pa Jezush Kristo, kaskoj o luvudyipe sagutno-sagutnes! Amen.
22. vers
Mangav tumen, phralale, len po lasho le ferimaske alava; ke skurto iskirisardom tumenge.
23. vers
Zhanen avri, ke amaro Timoteush phral avrislobodyilas. Kana na pa buteste avelatar, atunchi zhotar lesa tumende.
24. vers
Drobovjisaren tumare intregone anglalaren haj sakone sunton! Drobovjisaren tumen le Italicka phral!
Könyvek
