Lil le biboldenge

Fejezetek:

… 8 9 10 11 12 13   ⇤ ← 10 → ⇥

1. vers

Apol ke ande kris le avlimange vanoske numa lengo ushajinipe si andre, na le butyango chacho sipe, zhikodale sarkafimonca, so sako bersh andre sikaven, chikana nashtig keren federeske kodalen, kon andre sikaven len.

2. vers

Dore chi muklinesaans ando dopash le sarkafimonge andre sikadyimata, kana le andre sikavara intregones uzhe kerdyilinesas, haj chi avelas len majdur bezexasle hatyarimata?

3. vers

Ba zhikadal sarkafimura serosaren len ande sako bersh pe lenge bezexa.

4. vers

Nashtipe si kodo, ke le bakrengo haj bikongo rat bezexa te koseltar.

5. vers

Anda kado phendas, kana ande luma avilas:
„Sarkafimo haj tofnimata chi trubulas tut, ba trupo kerdan mange:

6. vers

le phabarde haj pachardyimaske sarkafimura chi faj tut.

7. vers

Atunchi kodo phendom: Aketa, avotar!
Ande hertijango kethane vuluipe tele si iskirisardo pamande,
ke kerolales, muro Del, tyiro kamipe.”

8. vers

Anglunes kodo phenel: „le sarkafimura haj le tofnimata, le phabarde haj pachardyimaske sarkafimura chi trubunas tuke, chi faj tut”, so kathar e kris sikaven andre.

9. vers

Pala kado kodo pendas:”Aketa, avotar, te kerav tyiro kamipe”. Nacharel le anglunes, ke ande lesko than le kaveres te tordyarel.

10. vers

Kadale kamipesa suntosardine amen perdal pa Kristo Jezush truposko jekhtuno opresarkafimipe.

11. vers

Ke sako rashaj sakodyes ando slugipe tordyol, haj butivar sikavel andre zhikodal sarkafimura, save chikana nashtig kosentar le bezexa;

12. vers

voj pale jekh sarkafimo sikadas andre anda bezexa, haj sagutnes rajilpe pe Devleski chachi rig,

13. vers

pe kodo zhukardines, ke leske dushmanon, leske punrenge iskamineske te shon.

14. vers

Ke jekhe sarkafimosa sagutnes federenge shutas le suntosarden.

15. vers

Chacharipe kerel pa kado amenge vi o Sunto Duho, ke pala soste kade das duma:

16. vers

„Kado pale kodi konvencijaj, so phando lenca pala kodal dyesa – phenel o Raj –, ande lengo ilo dav mure krisa, haj ande lengi godyi iskirisarav kodal,

17. vers

haj pe lenge bezexa haj nasulipe aba majdur chi seroja”.

18. vers

Apol kaj kadal pale jertipe resen, naj majdur aba anda bezexipe kerdo sarkafimo.

19. vers

Apol ke patyas ande kodo, phralale, ke perdal pa Jezushesko rat andre zhas po sunto than,

20. vers

so amenge, sar nyevo haj trajindo drom pa firhango, apol pa pesko trupo perdal puterdas,

21. vers

haj ke si amen angrashaj opralutnes pe Devlesko kher,

22. vers

te pashardyuvas chache ilesa kaj le patyapesko intregonipe, te uzharas amaro ilo kathar le duhosko nasul hatyaripe, haj thovas tele amare tropos uzhe pajesa.

23. vers

Inkras avri zurales pasha amare sperantimasko avriphenipe – ke chachoj kodo, kon le vorba dimata phendas –,

24. vers

haj te las sama pe jekhavreste, ke po kamipe haj pe lashe kerdyimata te zurardyuvas,

25. vers

tena mukas amare kethane avlimata, sar unyizhene sityiline, ba te zuraras jekhavres, inke majfedr sar dikhen le dyeses te pashardyol.

26. vers

Ke kana zhanikanes bezexaras, pala soste reslam le chachimasko pinzharipe, naj aba majbut sarkafimo anda bezexa,

27. vers

numa la bara krisako zhukaripe haj la jagako tatyipe, so phabarel le bi muklen.

28. vers

Kana varikon le Mozesheke krisa tele dikhel, kodaleske pe duje bake trine chacharengi vorba trubuj te merel.

29. vers

Sodenca majbut krisaripe phirel kodaleske, so gindin, kon tele dikhel le Devleske Shaves haj la konvencijako rat marhisarel, haj la gracijako Duho, pa soste perdal suntosardyilas, avriprassal?

30. vers

Ke pinzharas kodales, kon kade das duma: ”Muroj o bladope, maj me potyino!” Haj pale: ”Ke o Raj krisaripe inkrel pe pesko popularo”.

31. vers

Daramni butyij ande trajisarde Devlesko vast peripe!

32. vers

Seron palpale pe dulmutane dyesa, kana, pala soste fimlalisajline, le dukhimasko capeno maripe tordyiline avri,

33. vers

haj ande marhimata haj kikidyimata dikhlimaske hasninas tumen, haj kodalenca kasa zhikade kerenas, amal kerdyiline.

34. vers

Ke rig sas tumen ande phanglengo dukhipe, haj vojikanes trajinas vi kodo perdal kana xapavenas tumaro barvalipe, ke zhanenas, ke majlasho haj majashilimasko barvalipe si tumen.

35. vers

Na xasaren apol tumaro patyape, ke baro avla kodalesko potyinipe.

36. vers

Pachako toleranshipe trubuj tumen, ke le Devlesko kamipe te keren, haj te resen e vorba dimata.

37. vers

Ke inke jekh cerra vrama,
haj kodo, kon avlimaskoj, avela ande vramate.

38. vers

Muro chachipe kathar o patyape trajila:
ba te darajvela, muro duho chi vojilape ande leste.

39. vers

Ba ame chi sam le daramnimaske shavora po rumusardyipe, ba le patyapeske, pe trajosko reslipe.

Fejezetek:

1 2 3 4 5 6 7 8 9 10 11 12 13