Lil le biboldenge

Chapters:

1 2 3 4 5 6 …   ⇤ ← 1 → ⇥

verse #1

Butivar haj butfalos das duma varikana o Del kaj le dada perdal pa profeti,

verse #2

ande kadal palune dyesa pale perdal pa pesko Shavo das duma amende, kas le sagutnimaske rajeske vladisardas, pa kaste perdal vi le lumi kerdas,

verse #3

haj kon – ke voj si leske luvudyimasko fimlalipe haj leske baripesko mosuripe, haj sakofalo opreinkrel peske saktimoske alavesa –, pala soste kathar le bezexa uzhardyipe reslas, pe Opralutneske chachi rig beshel ando uchipe.

verse #4

Ke kattyivar majlashoj voj kathar le andyela, sodenca majbaro anav las lendar.

verse #5

Ke save andyeloske phendas varikana:
„Muro Shavo san tu, me adyes kerdom tut”?
Haj pale:
„Me lesko Dad avo, voj pale muro Shavo?”

verse #6

Haj kana pale andre ingrel peske anglune arakhadyisardines pe phuvako intregonipe, kade del duma:
„Haj kamel les le Devleske sakone andyela!”

verse #7

Pa andyela zhikade del duma:
„Kon peske andyelon balvalenge shol,
haj peske slugen jagake jagimatake”

verse #8

Kaj pesko Shavo pale:
„Tyiro krajipe, o Del, sagutno-sagutnes tordyol;
tye themeski rajuni rolyi e chachipeski rolyi si.

verse #9

Kamesas o chachipe haj rucisas o nasulipe:
anda kodo makhlas tut opre o Del, tyiro Del,
le losshimaske ulojesa opralutnes pe tye amala”.

verse #10

Haj:
„Anglalutnes tu, Raja, kerdan la phuvako fundo,
haj le chera tye vasteske butyimataj.

verse #11

Kadal nachontar, ba tu ashos:
haj sar e gada, sa dulmutisajventar,

verse #12

kethane vulus len, sar le gadan, haj kaver kerdyon;
ba tu zhikodo san, haj tye bersha chi nachontar”.

verse #13

Mashkar peske andyela saveske phendas vi varikana:
„Pe muri chachi rig besh tele, zhikaj tye punreske iskamineske kerav tye dushmanon”?

verse #14

Von apol savorazhene slugimaske duhura si, haj pe kodalengo slugipe bishaldine len, kaske kodo si lengi butyi, ke te resen o muntusardyipe?

Chapters:

1 2 3 4 5 6 7 8 9 10 11 12 13