Lil le biboldenge
capítulo 5
verso 1
Ke sakone angrashajes mashkar manusha alosaren, haj anda manusha vladisaren ande Devlikane butyange trabi, ke angla o Del te ingrel lenge butya, ke dimata haj sarkafimura te sikavel andre anda bezexa.
verso 2
Jertimasko zhanel te avel kaj le bi zhangle, ke vi voj krujal si lino slabipesa,
verso 3
haj kade sar anda popularo, kade vi anda peste sarkafimo trubuj andre te sikavel anda bezexa.
verso 4
Pe kadi butyi khonyik chi alosarelpe, ba kas o Del akharel, sar le Arones.
verso 5
Kade chi o Kristo na pes luvudyisardas, ke angrashaj te avel, ba kodo, kon kodo phendas leske:
„Muro Shavo san tu, adyes andom tut pe luma”
verso 6
Haj sar vi pe kaver thaneste phenel:
„Tu rashaj san sagda sar so si kathar le Melkizeda”.
verso 7
Voj, ande peske trupaslimaske dyesa peske rudyimata haj mangaimata bare cipimatasa andre sikadas kodaleske, kon shaj muntosardas les kathar o meripe; haj vi ashunipe reslas anda pesko patyivipe.
verso 8
Apol le Devlesko Shavo sas, ba muklimata sityilas anda kodo, so dukhardas:
verso 9
haj kana reslas kaj o andrepherdyipe, sagutno muntoimasko anglipe kerdyilas sa kodalenge, kon mukenpe leske,
verso 10
ke o Del angrashajeske phendas les, sar so si kathar le Melkizeda.
Le kethanipesko slabipe
verso 11
But sakofalo trubuj pa kado te phenas, haj vi pharo si te vorbisaras pa leste, ke agorimaske kerdyiline po ashunipe;
verso 12
ke ande kadi vrama sityarenge trubujas aba te aven, ba pale kodo trubuj tumenge, ke varikon te sityarel tumen pa Devleske sityarimaske butya; kasave kerdyiline, sar kas thud trubuj, haj na zuralo xamasko.
verso 13
Ke sa kodo, kon thud lel, bi zhanimaskoj ande chachimasko sityaripe, ke inke cino shavoro si;
verso 14
le federeske pale o zuralo xaben perelpe, kodalenge, kon kathar but zumavjipe oprezurardine pengo hatyaripe, ke te zhanen te alosaren o lasho haj o nasul.
Libros
