Lil le biboldenge
capítulo 12
verso 1
Anda kado vi ame, kas le chacharenge kasavo baro noro lel krujal, te shas tele sako pharipe haj la bezexa so pashardyol amende, avri inkrimasa te nashas zhikaj o agor o drom, so angla amende si.
verso 2
Dikhas opre po patyape kerdari, po Jezush, kon so anglaleste sas lossh barem dukhardyipe alosardas po trushul, chi grizholaspe le maripesa: haj pe Devleski chachi rig krajilpe.
verso 3
Gindin apol pe leste, kon kathar le bezexasle kasavo baro paradoksono dukhardas –, ke tena kolyontar, haj ande tumaro dyi tena brigajven.
O sazdelipe le dadikane kamipesko somnoj
verso 4
Ande bezexako maripe inke chi phendine naipe zhikaj tumaro ratesko avrimuklipe chi resline,
verso 5
haj bisterdine o ushorisaripe, so tumenge, sar shavenge vorbil:
„Muro shavo, na dikh tele le Rajesko sazdelipe,
haj na brigajve kana sazdel,
verso 6
ke kas kamel o Raj, kodales sazdel,
haj chunyarel sakone shavores, kas peste lel”.
verso 7
Anda disciplina dukhardyon. Sar peske shavenca grizhol o Del tumen, haj savo shavoj kodo kas lesko dad chi sazdel?
verso 8
Avri te ashon anda sazdelipe, ande soste sakon rigako sas, atunchi bi chache faleskire haj na shave sanle!
verso 9
Haj kana amare truposke dada sazdelisardine amen, haj darasas lendar, dore chi trubulas inke majfeder te mukas amen le duhoske Dadeske, te trajisaras?
verso 10
Ke amare dada, pe cerra dyesa kathar lengo fajlipe sazdelisardine amen, voj pale anda kodo, so pe amaro zhutipe si, ke ande lesko suntosardyipe rigasle te avas.
verso 11
O sazdelipe ando sipe apol chi dichol vojakireske, barem brigasleske. Ba majpalal, kon perdal pa leste zurardyon, o chachipe pesko pachimasko frukto upajila.
verso 12
Anda kado apol putren avri tumare kole vast haj tumare izdramnimaske changa,
verso 13
haj tumare punren sityaren po vorta phiripe, ke e paralizani rig tena boldelpe avri, ba te sastyol!
Feripe kathar bigindimaske trabi
verso 14
Pe pacha te aven sakonesa, haj ando suntosardyipe, ke bi kadalesko khonyik chi dikhela le Devles.
verso 15
Len sama pe kodo, ke khonyik tena mukel le Devleski gracija, tena le kerkipesko opre barisardyipe bida te kerel, haj kade but zhene rigasle te kerdyon.
verso 16
Khonyik tena avel marhisardo, haj tena dikhel tele chi le sunci butya, sar o Ezhau, kon andakh xaben, bikindas pesko angluno arakhadyipe.
verso 17
Ke zhanen, ke vi pala kodo, kana kamlas te resel o ashtyilipe, haj mashkar le asva mangelas kodo, ba na phendine leske, ke chi arakhlas than le bunuimaske.
O lasho deldaramnipe
verso 18
Ke tume, kaj nashtig unzuimasko plaj geline, kaj na phabilino jag haj balval, kaj tunyarikipe haj tufano,
verso 19
kaj fanfrako haj vorbimango glaso. Kon kado ashundine, anda kodo rudyinas, ke tena vorbil lende o alav,
verso 20
ke chi zhangline perdal te trajin kodo, so vladipe sas dino: „Kana vi varisavo bi zhanimasko pedo resel kaj kado plaj, shudenles barresa”:
verso 21
haj vi o dikhlipe kasavo zhungalo sas, ke o Mozesh kade das duma:”Darajlom haj izdrav”.
verso 22
Tume kaj le Shionesko palaj geline, haj kaj le zhuvinde Devlesko foro, kaj o rajuno Jeruzhalemo, kaj but miji andyelongo grupo,
verso 23
kaj le anglunes arakhadyilengi eklezhia, kon opre si iskirime ando rajo, haj kaj sakonesko krisari, kaj o Del, kaj le intregones chachengo duho,
verso 24
kaj le Nyeve Teshtamentosko perdal dinari, kaj o Jezush, haj kaj le shordyimasko rat, savo majaglasunes cipil, sar le Abelesko.
verso 25
Len sama apol, na phenen na, kodaleske, kon vorbil! Ke kana kodal, kon chi kamen te ashunen kodales, kon pe phuv vorbil, chi muntosardyiline, haj inke majfeder ame, kana boldasa ame kathar kodo, kon anda rajo del duma amende!
verso 26
Leski vorba atunchi mishkisardas la phuva, akank pale vorba del: „Inke jekhar mishkisarav na feri la phuva, ba vi le cheres”.
verso 27
Kado „Inke jokhar” pe kodalesko kaverkerdyipe sikavel, so mishkisajvel, ke kerdyipej –, ke te ashol kodo, so bi mishkimaskoj.
verso 28
Apol ke bi mishkimasko them reslam, las sama pe gracija, ke perdal pa late, sar le Devles faj, darasa haj patyivasa te slugisaras,
Libros
