Jakabesko lil
4. fejezet
Feripe kathar jekhavrestar shindyipe haj kathar e katharutni lumako gindisaripe
1. vers
Kathar si o maripe haj o kecipe mashkar tumende? Apol na anda tumaro andralutnipe, anda tumare doromata, so ande tumare riga xolyardyon opre.
2. vers
Numa dorosaren, ba chi len khanchi, mudaren haj rivalizalipe keren, haj chi kiden kethane khanchi. Xantume haj marentume haj najtumen khanchi – anda kodo, ke chi mangen.
3. vers
Mangen haj chi len – ke nasules mangen: anda kodo, ke pe tumare doromata te boldenles.
4. vers
Tume ansuripe oprephagara! Chi zhanen, ke la lumasa inkerdino vortakipe dushmanoj le Devleske?
Kon apol kadala lumako vortako kamel te avel, dushmano kerdyol le Devleske.
5. vers
Bake kodo gindin, ke anda khanchi phenel o Iskiripe: „Daramnisardes dorolpe o Duho, so ande amende beshel”?
6. vers
Bake inke vi majbari gracija del. Anda kodo phenel:
„O Del le phutyardenge chi mukelpe,
ba le muklimaskirenge jertipe del”
7. vers
Muken tumen apol le Devleske: ba le bengeske na muken tumen, haj nashelatar tumendar.
8. vers
Pashardyon kaj o Del, haj voj pashardyola tmende. Uzharen tumare vast bezexasle, haj uzharen tumaro ilo tume dujutne duhongire!
9. vers
Kerkardyon, brigajven, roven, tumaro assape te boldelpe po kaldope, haj tumari lossh po brigajvipe.
10. vers
Lazhavaren tumen tele angla o Del, haj voj opreasharel tumen.
11. vers
Na xoxaven pe jekhavreste mure pharal! Ke kon xoxavel pe pesko phral bake krisarel les, kodo pe kris xoxavel haj la krisa krisarel. Kana pale krisares la krisa, atunchi chi patyas la krisa, ba lako krisari san.
12. vers
Jekh kris kerari haj krisari si, kodo, kon shaj muntul tut haj xasarel tut. Tu pale kon san, ke tye dopashune vortakos krisares?
Feripe kathar pestarpatyape
13. vers
Keren apol, kon kade den duma: „Adyes bake tehara zhastar ande kado haj kodo foro, haj kothe ashuvasa jekh bersh, foro keras haj barvalipe rodas” –
14. vers
ba chi kodo chi zhanen, ke so avla tumenca tehara. Ajero sanle, so cerra vrama dichol, pala kodo nacholtar.
15. vers
Barem kodo phenenas: „O Del te kamela, haj te trajisrasa, kadi bake kodo kerasa.”
16. vers
Tume akanak asharen tumen ande tumaro phutyaripe – kana pale sakono kasavo asharipe nasul si.
17. vers
Apol, kon zhanelas lasho te kerel haj chi kerel, kodo bezexarel.
Könyvek
