Jakabesko lil
1. fejezet
Adresipe haj drobovjipe
1. vers
O Jakab, le Devleske haj le Raj Jezush Kristoski sluga pesko drobovjipe bishalel ande diaspora trajisardine deshuduje kunpaniange!
Le avrizumavjimatango hatyaripe haj sumburo
2. vers
Sagda losshake inkren, mure phral, kana ande butfalura zumavjimata peren,
3. vers
ke zhanen, ke tumare patyapesko avri- zumavjipe, pachimasko tolerashipne kerel.
4. vers
Le pachimasko toleranshipe po federipe ingrel le kerdyimatan, ke sakone bi nachilimasko federa haj bi doshake te aven.
5. vers
Kana pale varikon mashkar tumende cerrajvel ando platnikipe, te mangelles kathar o Del, kon sakoneske butardes del, bi vorbako dela kodaleske.
6. vers
Ba na bi patyamnes, ba patyamnes te mangelles, ke kon chi patyal, kasavoj sar la marake plemeni, so e balval opre marel, haj kathe-kothe tradel.
7. vers
O kasavo manush tena gindil, ke lel variso kathar o Raj.
8. vers
Pe lesko sako drom bi tordyimaskoj le dujtone duhosko manush.
9. vers
Le chorro trajosko phral kodalesa te asharelpe, ke oprevazdine les,
10. vers
o barvalo pale kodalesa, ke tele lazhavardine les, ke nacholatar, sar la charake luludya.
11. vers
Ke opre ushtyilas o kham peske phabarimaske tatyipesa, avrishutyardas e char, tele pelas laki luludyi, haj kernyilas lako shukaripe: kade kernyolatar vi o barvalo pe lesko drom.
12. vers
Anandoj kodo mursh, kon o zumavjipe avritordyol, ke chacheske te rakhenales, resela le trajoski korona, so o Del le les kamlinenge vorba das.
13. vers
Khonyik tena phenel, kana zumavjipe dukharel, ke „O Del zumavel”, ke le Devles nashtig zumaven po nasul, haj chi voj chi zumavel khanyikas.
14. vers
Sakones, kon ando zumavjipe perel, pesko dorope ingreles rigate haj po nasul.
15. vers
O dorope apol kana arakhadyol, bezex anel pe luma, e bezex pale, te kerenala, meripe kerel.
16. vers
Na xoxadyon apol mure kamade phral!
17. vers
Sako lasho dimatipe haj sako federicko tofnipe kothar opral, kathar le fimlalimasko Dad avel, kaste naj kaver kerdyipe, haj chi ushajin le kaver kerdyimaske.
18. vers
Anda slobodo kamipe kerdas amen le chachimaske alavesa, ke sar luludyi te avas leske upajimaske.
Le alaveske chache ashunara
19. vers
Mure kamade phral, vi tume zhanen! Te avel sakono manush sigaslo po ashunipe, haj paso po vorbipe, haj pe xolyi!
20. vers
Ke ande peski xolyi na kodo kerel o manush, so angla o Del chachimaskoj.
21. vers
Anda kado shuden tumendar sakono biuzhipe haj le butfalura nasulimata, haj len tumende o blindope haj le alaves, so zhanel te muntusarel tumaro duhos.
22. vers
Keren kade sar o alav phenel, haj na feri ashunenles, tumen xoxadines.
23. vers
Ke kana varikon ashunel le alaves ba chi kerelles, cirdel pe kodo manush, kon peski mosura dikhel ande glinda:
24. vers
te dikhlaspe haj gelastar, ande kodo minuto bistrel, ke sosko sas.
25. vers
Ba kon mishto andre dikhel ande slobodipesko federicko kris, haj ashol ande kodo, haj kodaleske na bisterdimasko ashunari si, ba lasho kerdari, kodo anando avla kathar pesko kerdyipe.
26. vers
Kana pale varikon patyamneske inkrel pes, ba chi pacharel peski shib tele, ba xoxavel pesko ilo, kodaleske chi mol khanchi lesko patyamnipe.
27. vers
Ke kadoj o uzho bi doshako patyamnipe angla o Del haj Dad: te dikhen le geren haj phivlyan ande lengo kikidyipe, haj te ferisaras amaro uzhipe kathar kadi luma.
Könyvek
