Jakabesko lil
capítulo 1
Adresipe haj drobovjipe
verso 1
O Jakab, le Devleske haj le Raj Jezush Kristoski sluga pesko drobovjipe bishalel ande diaspora trajisardine deshuduje kunpaniange!
Le avrizumavjimatango hatyaripe haj sumburo
verso 2
Sagda losshake inkren, mure phral, kana ande butfalura zumavjimata peren,
verso 3
ke zhanen, ke tumare patyapesko avri- zumavjipe, pachimasko tolerashipne kerel.
verso 4
Le pachimasko toleranshipe po federipe ingrel le kerdyimatan, ke sakone bi nachilimasko federa haj bi doshake te aven.
verso 5
Kana pale varikon mashkar tumende cerrajvel ando platnikipe, te mangelles kathar o Del, kon sakoneske butardes del, bi vorbako dela kodaleske.
verso 6
Ba na bi patyamnes, ba patyamnes te mangelles, ke kon chi patyal, kasavoj sar la marake plemeni, so e balval opre marel, haj kathe-kothe tradel.
verso 7
O kasavo manush tena gindil, ke lel variso kathar o Raj.
verso 8
Pe lesko sako drom bi tordyimaskoj le dujtone duhosko manush.
verso 9
Le chorro trajosko phral kodalesa te asharelpe, ke oprevazdine les,
verso 10
o barvalo pale kodalesa, ke tele lazhavardine les, ke nacholatar, sar la charake luludya.
verso 11
Ke opre ushtyilas o kham peske phabarimaske tatyipesa, avrishutyardas e char, tele pelas laki luludyi, haj kernyilas lako shukaripe: kade kernyolatar vi o barvalo pe lesko drom.
verso 12
Anandoj kodo mursh, kon o zumavjipe avritordyol, ke chacheske te rakhenales, resela le trajoski korona, so o Del le les kamlinenge vorba das.
verso 13
Khonyik tena phenel, kana zumavjipe dukharel, ke „O Del zumavel”, ke le Devles nashtig zumaven po nasul, haj chi voj chi zumavel khanyikas.
verso 14
Sakones, kon ando zumavjipe perel, pesko dorope ingreles rigate haj po nasul.
verso 15
O dorope apol kana arakhadyol, bezex anel pe luma, e bezex pale, te kerenala, meripe kerel.
verso 16
Na xoxadyon apol mure kamade phral!
verso 17
Sako lasho dimatipe haj sako federicko tofnipe kothar opral, kathar le fimlalimasko Dad avel, kaste naj kaver kerdyipe, haj chi ushajin le kaver kerdyimaske.
verso 18
Anda slobodo kamipe kerdas amen le chachimaske alavesa, ke sar luludyi te avas leske upajimaske.
Le alaveske chache ashunara
verso 19
Mure kamade phral, vi tume zhanen! Te avel sakono manush sigaslo po ashunipe, haj paso po vorbipe, haj pe xolyi!
verso 20
Ke ande peski xolyi na kodo kerel o manush, so angla o Del chachimaskoj.
verso 21
Anda kado shuden tumendar sakono biuzhipe haj le butfalura nasulimata, haj len tumende o blindope haj le alaves, so zhanel te muntusarel tumaro duhos.
verso 22
Keren kade sar o alav phenel, haj na feri ashunenles, tumen xoxadines.
verso 23
Ke kana varikon ashunel le alaves ba chi kerelles, cirdel pe kodo manush, kon peski mosura dikhel ande glinda:
verso 24
te dikhlaspe haj gelastar, ande kodo minuto bistrel, ke sosko sas.
verso 25
Ba kon mishto andre dikhel ande slobodipesko federicko kris, haj ashol ande kodo, haj kodaleske na bisterdimasko ashunari si, ba lasho kerdari, kodo anando avla kathar pesko kerdyipe.
verso 26
Kana pale varikon patyamneske inkrel pes, ba chi pacharel peski shib tele, ba xoxavel pesko ilo, kodaleske chi mol khanchi lesko patyamnipe.
verso 27
Ke kadoj o uzho bi doshako patyamnipe angla o Del haj Dad: te dikhen le geren haj phivlyan ande lengo kikidyipe, haj te ferisaras amaro uzhipe kathar kadi luma.
Libros
