Jakabesko lil

Capítulos:

1 2 3 4 5

verso 1

Mure phral, ande amare Rajesko, ando Jezush Kristo patyape tena avel chi sosko manushesko avrialosaripe.

verso 2

Ke andre te ushtyavel ande tumaro kethanipe jekh manush somnakune angrustyasa, ande rajkane gada, haj andre ushtyavel vi jekh chorro ande chorrivane gada,

verso 3

haj tume kodales grizhon, kon ande kuch gada si urado, haj kodo phenen leske: „Besh tele kathe mishto hatyrindes”, le chorreske pale kodo phenen: „Tu feri tordyu kothe bake besh kaj mure punrengo iskamin”,

verso 4

dore chi krisaren atunchi ande tumende, haj chi kerdyiline nasul gindimaskire krisarenge?

verso 5

Ashunen, mure kamade phral! Na le chorren alosardas avri o Del pe kadi luma, ke barvale te aven ando patyape, haj rigasle kodale themeske, saveske kodalenge phendas, kon les kamen?

verso 6

Tume pale bi patyivale sanas le chorresa. Na le barvale pizden tele tumen, haj ingren tumen angla e kris?

verso 7

Na von kushen kodale bare anaves, pa soste anavardyiline?

verso 8

Ke te kerena e krajicko kris sar o Iskiripe phenel:”Kam tye dopashone vortakos, sar tut”, mishto keren.

verso 9

Ba te alosarena le manushen, bezexipe keren, haj e kris krisarela tumen, ke oprephaglinela.

verso 10

Ke kon andre inkrel e intrego krisa, ba jekh oprephagel, ande intrego doshalo kerdyilas.

verso 11

Ke kon kodo phendas:”Na phag ansuripe!”, vi kodo phendas:”Na mudar!” Apol kana chi phages ansuripe, ba mudares, oprephaglan la krisa.

verso 12

Kade vorbin haj keren, ke tumen kathar la sobodimaski kris krisarena.

verso 13

Ke bi jertimasko krisaripe zhukarel pe kodo, kon chi kerela jertipe, ba o jertipe majbaro avla sar o krisaripe.

verso 14

So mol, muro phral, kana varikon kodo phenel, ke siles patyape, ba kerdyimata naj les? Dore o patyape shaj muntosarel les?

verso 15

Haj kana jekh phral bake jekh pheny bi gadeske si haj chorrej ande trajoske dyesa,

verso 16

varikon pale mashkar tumende kodo phenel leske: „Zhatar pachasa, tatyu haj chaju!” – ba chi den leske kodo, so leske truposke trubuj, so mola kado?

verso 17

Kade vi o patyape, kana najles kerdyimata, mulo si ande peste.

verso 18

Ba kodo phenel varikon: „Tut patyape si man kerdyimata si.” Sikav mange tyo patyape bi kerdyimatango, me pale sikavav tuke anda kerdyimata muro patyape.

verso 19

Patyas, ke jekh si o Del – haj mishto keres. Ba vi le beng patyan kado – haj vi kade izdran!

verso 20

Apol kames te zhanes tu chalade manush, ke o patyape bi kerdyimatango mulo si?

verso 21

O Abraham, amaro dad, na kathar peske kerdyimata chachardyilas, opresarkafimosardines peske shaves, le Izhakos po oltaro?

verso 22

Shaj dikhes, ke lesko patyape andre sas ande leske kerdyimata, haj lesko patyape kathar leske kerdyimata kerdyilas intrego.

verso 23

Kade andre pherdyilas o Iskiripe, so kodo phenel: „O Abraham patyalas le Devleske, haj kado chachipeske zhangline andre leske”, haj le Devleske vortakoske phenenas les.

verso 24

Dikhen, ke kathar le kerdyimata chachardyol o manush, haj na numa korkoro kathar o patyape.

verso 25

Apol zhikade e marhime Rahab dore na kathar e kerdyimata chachardyilas, kana andre muklas peste le garaden, haj pe kavere dromeste bishaldas len?

verso 26

Ke sar mulo si o trupo bi duhosko, kade vi o patyape muloj bi kerdyimatango.

Capítulos:

1 2 3 4 5