Jakabesko lil

Chapters:

1 2 3 4 5

verse #1

Mure phral, ande amare Rajesko, ando Jezush Kristo patyape tena avel chi sosko manushesko avrialosaripe.

verse #2

Ke andre te ushtyavel ande tumaro kethanipe jekh manush somnakune angrustyasa, ande rajkane gada, haj andre ushtyavel vi jekh chorro ande chorrivane gada,

verse #3

haj tume kodales grizhon, kon ande kuch gada si urado, haj kodo phenen leske: „Besh tele kathe mishto hatyrindes”, le chorreske pale kodo phenen: „Tu feri tordyu kothe bake besh kaj mure punrengo iskamin”,

verse #4

dore chi krisaren atunchi ande tumende, haj chi kerdyiline nasul gindimaskire krisarenge?

verse #5

Ashunen, mure kamade phral! Na le chorren alosardas avri o Del pe kadi luma, ke barvale te aven ando patyape, haj rigasle kodale themeske, saveske kodalenge phendas, kon les kamen?

verse #6

Tume pale bi patyivale sanas le chorresa. Na le barvale pizden tele tumen, haj ingren tumen angla e kris?

verse #7

Na von kushen kodale bare anaves, pa soste anavardyiline?

verse #8

Ke te kerena e krajicko kris sar o Iskiripe phenel:”Kam tye dopashone vortakos, sar tut”, mishto keren.

verse #9

Ba te alosarena le manushen, bezexipe keren, haj e kris krisarela tumen, ke oprephaglinela.

verse #10

Ke kon andre inkrel e intrego krisa, ba jekh oprephagel, ande intrego doshalo kerdyilas.

verse #11

Ke kon kodo phendas:”Na phag ansuripe!”, vi kodo phendas:”Na mudar!” Apol kana chi phages ansuripe, ba mudares, oprephaglan la krisa.

verse #12

Kade vorbin haj keren, ke tumen kathar la sobodimaski kris krisarena.

verse #13

Ke bi jertimasko krisaripe zhukarel pe kodo, kon chi kerela jertipe, ba o jertipe majbaro avla sar o krisaripe.

verse #14

So mol, muro phral, kana varikon kodo phenel, ke siles patyape, ba kerdyimata naj les? Dore o patyape shaj muntosarel les?

verse #15

Haj kana jekh phral bake jekh pheny bi gadeske si haj chorrej ande trajoske dyesa,

verse #16

varikon pale mashkar tumende kodo phenel leske: „Zhatar pachasa, tatyu haj chaju!” – ba chi den leske kodo, so leske truposke trubuj, so mola kado?

verse #17

Kade vi o patyape, kana najles kerdyimata, mulo si ande peste.

verse #18

Ba kodo phenel varikon: „Tut patyape si man kerdyimata si.” Sikav mange tyo patyape bi kerdyimatango, me pale sikavav tuke anda kerdyimata muro patyape.

verse #19

Patyas, ke jekh si o Del – haj mishto keres. Ba vi le beng patyan kado – haj vi kade izdran!

verse #20

Apol kames te zhanes tu chalade manush, ke o patyape bi kerdyimatango mulo si?

verse #21

O Abraham, amaro dad, na kathar peske kerdyimata chachardyilas, opresarkafimosardines peske shaves, le Izhakos po oltaro?

verse #22

Shaj dikhes, ke lesko patyape andre sas ande leske kerdyimata, haj lesko patyape kathar leske kerdyimata kerdyilas intrego.

verse #23

Kade andre pherdyilas o Iskiripe, so kodo phenel: „O Abraham patyalas le Devleske, haj kado chachipeske zhangline andre leske”, haj le Devleske vortakoske phenenas les.

verse #24

Dikhen, ke kathar le kerdyimata chachardyol o manush, haj na numa korkoro kathar o patyape.

verse #25

Apol zhikade e marhime Rahab dore na kathar e kerdyimata chachardyilas, kana andre muklas peste le garaden, haj pe kavere dromeste bishaldas len?

verse #26

Ke sar mulo si o trupo bi duhosko, kade vi o patyape muloj bi kerdyimatango.

Chapters:

1 2 3 4 5