chapter 4
Kathar si o maripe haj o kecipe mashkar tumende? Apol na anda tumaro andralutnipe, anda tumare doromata, so ande tumare riga xolyardyon opre.
Numa dorosaren, ba chi len khanchi, mudaren haj rivalizalipe keren, haj chi kiden kethane khanchi. Xantume haj marentume haj najtumen khanchi – anda kodo, ke chi mangen.
Mangen haj chi len – ke nasules mangen: anda kodo, ke pe tumare doromata te boldenles.
Tume ansuripe oprephagara! Chi zhanen, ke la lumasa inkerdino vortakipe dushmanoj le Devleske?
Kon apol kadala lumako vortako kamel te avel, dushmano kerdyol le Devleske.
Bake kodo gindin, ke anda khanchi phenel o Iskiripe: „Daramnisardes dorolpe o Duho, so ande amende beshel”?
Bake inke vi majbari gracija del. Anda kodo phenel:
„O Del le phutyardenge chi mukelpe,
ba le muklimaskirenge jertipe del”
Muken tumen apol le Devleske: ba le bengeske na muken tumen, haj nashelatar tumendar.
Pashardyon kaj o Del, haj voj pashardyola tmende. Uzharen tumare vast bezexasle, haj uzharen tumaro ilo tume dujutne duhongire!
Kerkardyon, brigajven, roven, tumaro assape te boldelpe po kaldope, haj tumari lossh po brigajvipe.
Lazhavaren tumen tele angla o Del, haj voj opreasharel tumen.
Na xoxaven pe jekhavreste mure pharal! Ke kon xoxavel pe pesko phral bake krisarel les, kodo pe kris xoxavel haj la krisa krisarel. Kana pale krisares la krisa, atunchi chi patyas la krisa, ba lako krisari san.
Jekh kris kerari haj krisari si, kodo, kon shaj muntul tut haj xasarel tut. Tu pale kon san, ke tye dopashune vortakos krisares?
Keren apol, kon kade den duma: „Adyes bake tehara zhastar ande kado haj kodo foro, haj kothe ashuvasa jekh bersh, foro keras haj barvalipe rodas” –
ba chi kodo chi zhanen, ke so avla tumenca tehara. Ajero sanle, so cerra vrama dichol, pala kodo nacholtar.
Barem kodo phenenas: „O Del te kamela, haj te trajisrasa, kadi bake kodo kerasa.”
Tume akanak asharen tumen ande tumaro phutyaripe – kana pale sakono kasavo asharipe nasul si.
Apol, kon zhanelas lasho te kerel haj chi kerel, kodo bezexarel.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly