Jakabesko lil

Capítulos:

1 2 3 4 5

verso 1

Kathar si o maripe haj o kecipe mashkar tumende? Apol na anda tumaro andralutnipe, anda tumare doromata, so ande tumare riga xolyardyon opre.

verso 2

Numa dorosaren, ba chi len khanchi, mudaren haj rivalizalipe keren, haj chi kiden kethane khanchi. Xantume haj marentume haj najtumen khanchi – anda kodo, ke chi mangen.

verso 3

Mangen haj chi len – ke nasules mangen: anda kodo, ke pe tumare doromata te boldenles.

verso 4

Tume ansuripe oprephagara! Chi zhanen, ke la lumasa inkerdino vortakipe dushmanoj le Devleske?
Kon apol kadala lumako vortako kamel te avel, dushmano kerdyol le Devleske.

verso 5

Bake kodo gindin, ke anda khanchi phenel o Iskiripe: „Daramnisardes dorolpe o Duho, so ande amende beshel”?

verso 6

Bake inke vi majbari gracija del. Anda kodo phenel:
„O Del le phutyardenge chi mukelpe,
ba le muklimaskirenge jertipe del”

verso 7

Muken tumen apol le Devleske: ba le bengeske na muken tumen, haj nashelatar tumendar.

verso 8

Pashardyon kaj o Del, haj voj pashardyola tmende. Uzharen tumare vast bezexasle, haj uzharen tumaro ilo tume dujutne duhongire!

verso 9

Kerkardyon, brigajven, roven, tumaro assape te boldelpe po kaldope, haj tumari lossh po brigajvipe.

verso 10

Lazhavaren tumen tele angla o Del, haj voj opreasharel tumen.

verso 11

Na xoxaven pe jekhavreste mure pharal! Ke kon xoxavel pe pesko phral bake krisarel les, kodo pe kris xoxavel haj la krisa krisarel. Kana pale krisares la krisa, atunchi chi patyas la krisa, ba lako krisari san.

verso 12

Jekh kris kerari haj krisari si, kodo, kon shaj muntul tut haj xasarel tut. Tu pale kon san, ke tye dopashune vortakos krisares?

verso 13

Keren apol, kon kade den duma: „Adyes bake tehara zhastar ande kado haj kodo foro, haj kothe ashuvasa jekh bersh, foro keras haj barvalipe rodas” –

verso 14

ba chi kodo chi zhanen, ke so avla tumenca tehara. Ajero sanle, so cerra vrama dichol, pala kodo nacholtar.

verso 15

Barem kodo phenenas: „O Del te kamela, haj te trajisrasa, kadi bake kodo kerasa.”

verso 16

Tume akanak asharen tumen ande tumaro phutyaripe – kana pale sakono kasavo asharipe nasul si.

verso 17

Apol, kon zhanelas lasho te kerel haj chi kerel, kodo bezexarel.

Capítulos:

1 2 3 4 5