Jakabesko lil
5. fejezet
Feripe pe capeno ilengire barvalenge rig
1. vers
Keren apol barvale! Roven, cipin anda chorrimata, so pe tumende zhukarel!
2. vers
Tumaro barvalipe pustisajlas, tumare gada kernyilinetar.
3. vers
Tumare somnakaja haj rup xalas e vrama, haj lengo kalipe chacharela pe tumende, haj xalyarela tumaro trupo, sar e jag. Inke vi ande palutne dyesa kethane kiden!
4. vers
Aketa, le butyarengo potyinipe, kon tele kosisardine tumare mal, haj andasote tume chordine, oprecipisardas, haj le butyarengo cipipe reslas kaj le chereske Rajeske kan.
5. vers
Chalyiline pe phuv, haj ando marhipe thulyardine tumaro ilo pe tele mudarimasko dyes!
6. vers
Krisardine haj mudardine le chachipes, haj voj muklaspe tumenge!
Opreakharipe po avriinkripe
7. vers
Aven apol pachake toleransha, mure phral, zhikaj le Rajesko avlipe! Aketa, vi la phuvako butyari zhukarel la phuvako kuch upajipe, pachasa zhukarel, zhikaj o angluno bake paluno brishind lela.
8. vers
Aven vi tume pachimaske, haj zuralen tumaro ilo, ke le Rajesko avlipe pashe si!
9. vers
Na vatyin mure phral, pe jekhavreste, ke tena krisaren tumen! Aketa, o krisari angla o vudar tordyol!
10. vers
Ando dukhardyipe haj pachimasko toleranshipe te aven kasave, phralale, sar le profeti, kon ande Rajesko anav vorbinas!
11. vers
Aketa, anandeske phenas len, ke avri inkerdine. Ashundine pa Jobesko pachako toleranshipe, haj dikhline lesko agor, so o Raj das, ke jertimasko si o Raj, haj muklimaskoj.
Feripe kathar colaxaripe
12. vers
Angla sakofaloste apol mure pharal, na colaxaren chi po cheri, chi pe phuv, haj chi pe kaver varisoste! Te avel tumaro „ova” ova, haj tumaro „na” pale na, ke tena peren tala krisaripe!
Le visvarimaske rudyimatangi zor
13. vers
Brigajvel varikon mashkar tumende? Te rudyil atunchi! Mishto hatyarelpe? Te gilyabel salmi!
14. vers
Nasvalo si varikon mashkar tumende? Te akharavel la eklezhiake prezhbiteron, kodal te rudyin pe leste, haj te makhen les ulojesa ande Rajesko anav!
15. vers
Anda patyape avilino rudyipe slobodisarel le nasvales, haj o Raj ushorisarel les, kana pale ande bezexa si, jertipe resela.
16. vers
Phenen avri apol jekhavreske tumare bezexa, haj rudyin anda jekhavreste te sastyon, ke but sakofalo shaj kerel le zurale manushesko rudyipe.
17. vers
O Illesh kasavo manush sas, sar ame, haj kana rudyindes rudyilas, ke tena del o brishind pe phuv, atunchi china chi delas trin bersh haj shov shon.
18. vers
Pala kodo pale rudyilas, haj o cheri brishind das, haj e phuv das o upajipe.
Grizhosaripe pa phralende
19. vers
Mure phral! Kana varikon mashkar tumende tele zhal pa chachimasko drom, haj varikon palpale anel les kothe,
20. vers
te zhanel kodo, ke kon le bezexasles palpale anel pa nasul drom, muntosarel kodalesko duho kathar o meripe, haj andre sharavel leske bezexengo butipe.
Könyvek
