Jakabesko lil
3. fejezet
La shibako saktimo
1. vers
Na kamen butzhene sityara te aven, mure phral, ke zhanen, ke kade majbaro krisipe las pe amende.
2. vers
Ke ande bute sakofaloste bezexaras savorazhene. Kana varikon ande peske vorbi chi dosharel, kodo feder manush si, haj kasavo manush palpale zhanel te inkrel vi peske intregone trupos.
3. vers
Ke kana le grastenge sastri shas ande lengo muj te mukenpe amenge, atunchi lengo intrego trupo ame mishkisaras.
4. vers
Kade vi le beron, chaches ke bare si haj zurale balvala traden len, le cine drom inkritoresa kothe ingrenle, kaj o manush kamel.
5. vers
Kade vi e shib cini rig si, ba bare butya kerel. Aketa, jekh cini jag soke bare veshes phabarel opre!
6. vers
Vi e shib jag si, le nasulimaski intrego luma. Mashkar amare truposke riga e shib si kodi, so andre melyarel amare intrego trupos, haj kathar e telalutni luma oprephabarindes amare intregone trajos oprephabarel.
7. vers
Ke sako turbatopedo haj chiriklyi, sap haj majbut falura pedura zhanen te blindosaren, haj vi blindonge kerel len o manush,
8. vers
ba la shiba mashkar le manusha khonyik nashtig blindosarel. Bi pachimaskij kodi, pherdo merimaske mirgosa.
9. vers
Kodalasa ashtyilisaras le Devles haj le Dades, haj kodalasa das armaja le manushen, kas o Del pe peski mosura kerdas.
10. vers
Anda zhikodo muj avel vi o ashtyilipe haj vi le armaja. Mure phral, kadaleske chi trubulas kade te avel.
11. vers
Dore o ab mukel avri zhi anda kodi gropa guglo haj kerko paji?
12. vers
Dore shaj upajil mure phral, o gular kasht drakhen, bake e drakh gulares? Kade chi o londo ab nashtig del guglo paji.
O platnikipe, so opral avel
13. vers
Kon si o platniko haj sityardo mashkar tumende? O kasavo te sikavel opre le trajeske platnika kerdyimata ando blindope.
14. vers
Ba kerko xanzhvalipe te si ande tumende, haj xape ande tumaro ilo, na asharen tumen haj na xoxaven, xoxamnisardes le chachipes.
15. vers
Ke kasavo na opralutnes avilino platnikipe si, ba phuvakoj, hatyarimaskoj, haj bengimaskoj.
16. vers
Ke kaj xanzhvalipe haj rivalizalipe si, kothe vi slabipe haj sakono nasul kerdyipe si.
17. vers
Haj kodo platnikipe, so opralutnes avel, anglalutnes lazhamnimaskoj, palakodo pacha-kamloj, blindoj, muklimaskoj, pherdo si jertimatasa haj lashe fruktonca, chi krisarel, haj naj ande leste xoxavjipe.
18. vers
Le chachimaske frukton pale ande pacha beshaven le pacha-kamle.
Könyvek
