Peteresko angluno lil

Fejezetek:

1 2 3 4 5

1. vers

Shuden tele apol sakono nasulipe, sakono xalyipe, haj paxandipe, xanzhvalipe haj sakono xoxamnipe,

2. vers

haj sar akanak arakhadyiline cine shavora, pala bi pajaslo manablo thud dorosardyon, ke perdal pa leste te baron po muntoipe,

3. vers

pala soste zumadineles, sosko gogloj o Raj.

4. vers

Zhan leste, sar kaj o zhuvindo barr, ke kas chaches ke shudine le manusha, ba o Del avrialosardas les haj patyivisardas les.

5. vers

Vi tume, sar zhuvinde barr, te vazdadyon opre pe leste duhikane khereske, suntone rashajimaske pe duhikane sarkafimongo andre sikadyipe, so skunpoj le Devleske perdal pa Jezush Kristo.

6. vers

Anda kodo tordyol ando Iskiripe:
„Aketa, avrialosardas,
kuch kolcosko barr shav tele ando Shion:
kon patyal ande leste, chi lazhajvelatar tele”.

7. vers

Kado tumenge patyamnenge, patyiv si, le na patyamnenge pale
„kado barr, saves le vazdara shudine,
haj vi kade kolcosko barr kerdyilas”.

8. vers

Haj inke”le pelimasko barr si haj la bidako plaj” sa kodalenge, kon tele dikhen le alaves, haj chi patyan ande leste, kana pale pe kado vladisardine len.

9. vers

Tume pale alosardine populara, krajicka rashajimata, sunto kethanipe, muntosarde populara san, ke te viacaren kodaleske harnyikimata, kon anda tunyarikipe akhardas tumen pe pesko chudimasko fimlalipe,

10. vers

kon varikana”na populara” sanasle, akanak pale le Devleske populara sanle; pe kaski rig varikana nas jertipe, akanak pale jertipe resline

11. vers

Me kade gindisarav, sar avlimaren haj dromaren, ferin tumen kathar truposke doromata, save po duho den.

12. vers

Aven patyivale mashkar le murtikana, ke zhi ande kodo, sar pe nasula pe tumende xoxaven, le lashe kerdyimata dikhlines, luvudyisaren le Devles pe avlimasko dyes.

13. vers

Aven muklisarde apol sakone manusheske anda o Raj, zhi le krajenge, sar le majopralutneske, zhi le prefektonge,

14. vers

sar kas voj pe bezexaslengo sazdelipe le lashenge pale pe lengo asharipe bishaldas.

15. vers

Ke kodoj le Devlesko kamipe, ke lashe kerdyimatanca mucin le dile manushengo bi zhanipe;

16. vers

sar slobodura, haj na sar kasave, sar kon e slobodimata pe nasulimata hasnisaren opre, ba sar le Devleske slugi.

17. vers

Sakones patyivisaren, le phralikanipes kamen, le Devles daran, le krajes patyivin.

18. vers

Slugi, muken tumen tumare rajenge intregone daripesa, na numa le lashenge haj le blindonge, ba vi le capenenge.

19. vers

Ke gracija si kodo, kana varikon anda Devlesko duhikano hatyaripe bi chachimata dukhardines pachasa trajil perdal le nasulimatan.

20. vers

Ke soski luvudyija si kodi, kana bezexaren, haj anda kodo toleralin le palmi? Ba kana lashipe keren, haj pachasa toleralin, kodo skunpoj angla o Del.

21. vers

Ke pe kado kerdyiline,
ke somno muklines tumenge,
vi o Kristo dukhardyilas anda tumende, ke te zhan pala leste.

22. vers

Voj, kon bezex chi kerdas,
haj chi xoxavjipe chi arakhline ande lesko muj,

23. vers

kon, kana kushenas les, voj chi kushelas,
kana dukhardyilas, chi daravelas,
ba opral muklaspe po chacho Krisari;

24. vers

kon amare bezexa korkoro dukhardas
ande pesko trupo po kasht,
ke le bezexnage mulines le chachipeske te trajisaras;
perdal pa leske rata sastyiline.

25. vers

Ke kasave sanasle,
sar le kathe-kothe nakhline bakre,
ba akanak kaj tumare duhosko malyari haj samalelari resline.

Fejezetek:

1 2 3 4 5