Peteresko angluno lil

Chapters:

1 2 3 4 5

verse #1

Shuden tele apol sakono nasulipe, sakono xalyipe, haj paxandipe, xanzhvalipe haj sakono xoxamnipe,

verse #2

haj sar akanak arakhadyiline cine shavora, pala bi pajaslo manablo thud dorosardyon, ke perdal pa leste te baron po muntoipe,

verse #3

pala soste zumadineles, sosko gogloj o Raj.

verse #4

Zhan leste, sar kaj o zhuvindo barr, ke kas chaches ke shudine le manusha, ba o Del avrialosardas les haj patyivisardas les.

verse #5

Vi tume, sar zhuvinde barr, te vazdadyon opre pe leste duhikane khereske, suntone rashajimaske pe duhikane sarkafimongo andre sikadyipe, so skunpoj le Devleske perdal pa Jezush Kristo.

verse #6

Anda kodo tordyol ando Iskiripe:
„Aketa, avrialosardas,
kuch kolcosko barr shav tele ando Shion:
kon patyal ande leste, chi lazhajvelatar tele”.

verse #7

Kado tumenge patyamnenge, patyiv si, le na patyamnenge pale
„kado barr, saves le vazdara shudine,
haj vi kade kolcosko barr kerdyilas”.

verse #8

Haj inke”le pelimasko barr si haj la bidako plaj” sa kodalenge, kon tele dikhen le alaves, haj chi patyan ande leste, kana pale pe kado vladisardine len.

verse #9

Tume pale alosardine populara, krajicka rashajimata, sunto kethanipe, muntosarde populara san, ke te viacaren kodaleske harnyikimata, kon anda tunyarikipe akhardas tumen pe pesko chudimasko fimlalipe,

verse #10

kon varikana”na populara” sanasle, akanak pale le Devleske populara sanle; pe kaski rig varikana nas jertipe, akanak pale jertipe resline

verse #11

Me kade gindisarav, sar avlimaren haj dromaren, ferin tumen kathar truposke doromata, save po duho den.

verse #12

Aven patyivale mashkar le murtikana, ke zhi ande kodo, sar pe nasula pe tumende xoxaven, le lashe kerdyimata dikhlines, luvudyisaren le Devles pe avlimasko dyes.

verse #13

Aven muklisarde apol sakone manusheske anda o Raj, zhi le krajenge, sar le majopralutneske, zhi le prefektonge,

verse #14

sar kas voj pe bezexaslengo sazdelipe le lashenge pale pe lengo asharipe bishaldas.

verse #15

Ke kodoj le Devlesko kamipe, ke lashe kerdyimatanca mucin le dile manushengo bi zhanipe;

verse #16

sar slobodura, haj na sar kasave, sar kon e slobodimata pe nasulimata hasnisaren opre, ba sar le Devleske slugi.

verse #17

Sakones patyivisaren, le phralikanipes kamen, le Devles daran, le krajes patyivin.

verse #18

Slugi, muken tumen tumare rajenge intregone daripesa, na numa le lashenge haj le blindonge, ba vi le capenenge.

verse #19

Ke gracija si kodo, kana varikon anda Devlesko duhikano hatyaripe bi chachimata dukhardines pachasa trajil perdal le nasulimatan.

verse #20

Ke soski luvudyija si kodi, kana bezexaren, haj anda kodo toleralin le palmi? Ba kana lashipe keren, haj pachasa toleralin, kodo skunpoj angla o Del.

verse #21

Ke pe kado kerdyiline,
ke somno muklines tumenge,
vi o Kristo dukhardyilas anda tumende, ke te zhan pala leste.

verse #22

Voj, kon bezex chi kerdas,
haj chi xoxavjipe chi arakhline ande lesko muj,

verse #23

kon, kana kushenas les, voj chi kushelas,
kana dukhardyilas, chi daravelas,
ba opral muklaspe po chacho Krisari;

verse #24

kon amare bezexa korkoro dukhardas
ande pesko trupo po kasht,
ke le bezexnage mulines le chachipeske te trajisaras;
perdal pa leske rata sastyiline.

verse #25

Ke kasave sanasle,
sar le kathe-kothe nakhline bakre,
ba akanak kaj tumare duhosko malyari haj samalelari resline.

Chapters:

1 2 3 4 5