Peteresko angluno lil

chapter 5


Chapters:

1 2 3 4 5


O malyari haj le bakre


verse #1

Le prezhbiteron, kon mashkar tumende si, mangav – sar lengo anglalutno amal haj sar le Kristoske dukhange dikhari haj vi sar lesko luvudyimasko rigaslo, so ando avlipe vi avrisikadyola: –


verse #2

lensama pel Devleske bakre, so pe tumende mukline. Grizhon len, na anda trubuipe, ba anda slobodo kamipe kathar o Del, na anda zhungalo xanzhvalipe, ba anda lashipe;


verse #3

na rajindes pe alosarde, ba anda ilo, ke te aven bare ande bakrenge jakha.


verse #4

Haj kana sikadyola le malyarengo kraj, resena le luvudyimasko bi shaj kernyilini korona.


verse #5

Zhikade tume terne, muken tumen le majphurenge! Savorazhene len pe tumende e blindomata, ke
o Del na phenel le phutyardenge,
le blindonge pale jertisaripe del.


verse #6

Lazhavaren apol tele tumen tala Devlesko baro vast, ke ande kodi vramate opre te asharel tumen.


verse #7

Muken pe leste sa tumari dar, ke grizholpe pa tumende.


verse #8

Aven trazi haj len sama, ke tumaro dushmano o beng, sar cipindo levo krujal phirel, rodindes, kas te nakhavel tele.


verse #9

Zurale patyapesa phenen leske na, ke zhanen, zhikado dukhipe zhukarel vi pe tumare phral, kon pe kadi luma trajin.


verse #10

Ke sakone gracijako Del, kon akhardas tumen pe lesko sagutno luvudyipe perdal pa Jezush Kristo, voj kerela amen – pala soste jekh cerra dukhardyilam – majfedereske te kerel, te zuralel haj te fundosarel amen.


verse #11

Leske te avel luvudyipe haj rajipe sagutno-sagutnes! Amen.


Andreagoripe: drobovjimata haj luvudyipe


verse #12

Kathar o chacho phral, kathar o Silvanus – kade gindisarav – skurtosardes iskirisardom tumenge, shukares manglines tumen, haj chacharipe kerdines pa kodo, ke le Devleski chachi gracija si kodo, ande soste trajin.


verse #13

Drobovjisarel tumen e tumenca jekharsa avrialosardi eklezhia ande Babilonia, haj o Mark, muro shavo.


verse #14

Drobovjisaren jekhavres le kamimaske chumindesa!
Pachipe savorazhenenge, kon ando Kristo sanle! Amen.

Chapters:


Books