Peteresko angluno lil

Capitole:

1 2 3 4 5

versetul 1

Le prezhbiteron, kon mashkar tumende si, mangav – sar lengo anglalutno amal haj sar le Kristoske dukhange dikhari haj vi sar lesko luvudyimasko rigaslo, so ando avlipe vi avrisikadyola: –

versetul 2

lensama pel Devleske bakre, so pe tumende mukline. Grizhon len, na anda trubuipe, ba anda slobodo kamipe kathar o Del, na anda zhungalo xanzhvalipe, ba anda lashipe;

versetul 3

na rajindes pe alosarde, ba anda ilo, ke te aven bare ande bakrenge jakha.

versetul 4

Haj kana sikadyola le malyarengo kraj, resena le luvudyimasko bi shaj kernyilini korona.

versetul 5

Zhikade tume terne, muken tumen le majphurenge! Savorazhene len pe tumende e blindomata, ke
o Del na phenel le phutyardenge,
le blindonge pale jertisaripe del.

versetul 6

Lazhavaren apol tele tumen tala Devlesko baro vast, ke ande kodi vramate opre te asharel tumen.

versetul 7

Muken pe leste sa tumari dar, ke grizholpe pa tumende.

versetul 8

Aven trazi haj len sama, ke tumaro dushmano o beng, sar cipindo levo krujal phirel, rodindes, kas te nakhavel tele.

versetul 9

Zurale patyapesa phenen leske na, ke zhanen, zhikado dukhipe zhukarel vi pe tumare phral, kon pe kadi luma trajin.

versetul 10

Ke sakone gracijako Del, kon akhardas tumen pe lesko sagutno luvudyipe perdal pa Jezush Kristo, voj kerela amen – pala soste jekh cerra dukhardyilam – majfedereske te kerel, te zuralel haj te fundosarel amen.

versetul 11

Leske te avel luvudyipe haj rajipe sagutno-sagutnes! Amen.

versetul 12

Kathar o chacho phral, kathar o Silvanus – kade gindisarav – skurtosardes iskirisardom tumenge, shukares manglines tumen, haj chacharipe kerdines pa kodo, ke le Devleski chachi gracija si kodo, ande soste trajin.

versetul 13

Drobovjisarel tumen e tumenca jekharsa avrialosardi eklezhia ande Babilonia, haj o Mark, muro shavo.

versetul 14

Drobovjisaren jekhavres le kamimaske chumindesa!
Pachipe savorazhenenge, kon ando Kristo sanle! Amen.

Capitole:

1 2 3 4 5