Peteresko angluno lil

Capítulos:

1 2 3 4 5

verso 1

Shuden tele apol sakono nasulipe, sakono xalyipe, haj paxandipe, xanzhvalipe haj sakono xoxamnipe,

verso 2

haj sar akanak arakhadyiline cine shavora, pala bi pajaslo manablo thud dorosardyon, ke perdal pa leste te baron po muntoipe,

verso 3

pala soste zumadineles, sosko gogloj o Raj.

verso 4

Zhan leste, sar kaj o zhuvindo barr, ke kas chaches ke shudine le manusha, ba o Del avrialosardas les haj patyivisardas les.

verso 5

Vi tume, sar zhuvinde barr, te vazdadyon opre pe leste duhikane khereske, suntone rashajimaske pe duhikane sarkafimongo andre sikadyipe, so skunpoj le Devleske perdal pa Jezush Kristo.

verso 6

Anda kodo tordyol ando Iskiripe:
„Aketa, avrialosardas,
kuch kolcosko barr shav tele ando Shion:
kon patyal ande leste, chi lazhajvelatar tele”.

verso 7

Kado tumenge patyamnenge, patyiv si, le na patyamnenge pale
„kado barr, saves le vazdara shudine,
haj vi kade kolcosko barr kerdyilas”.

verso 8

Haj inke”le pelimasko barr si haj la bidako plaj” sa kodalenge, kon tele dikhen le alaves, haj chi patyan ande leste, kana pale pe kado vladisardine len.

verso 9

Tume pale alosardine populara, krajicka rashajimata, sunto kethanipe, muntosarde populara san, ke te viacaren kodaleske harnyikimata, kon anda tunyarikipe akhardas tumen pe pesko chudimasko fimlalipe,

verso 10

kon varikana”na populara” sanasle, akanak pale le Devleske populara sanle; pe kaski rig varikana nas jertipe, akanak pale jertipe resline

verso 11

Me kade gindisarav, sar avlimaren haj dromaren, ferin tumen kathar truposke doromata, save po duho den.

verso 12

Aven patyivale mashkar le murtikana, ke zhi ande kodo, sar pe nasula pe tumende xoxaven, le lashe kerdyimata dikhlines, luvudyisaren le Devles pe avlimasko dyes.

verso 13

Aven muklisarde apol sakone manusheske anda o Raj, zhi le krajenge, sar le majopralutneske, zhi le prefektonge,

verso 14

sar kas voj pe bezexaslengo sazdelipe le lashenge pale pe lengo asharipe bishaldas.

verso 15

Ke kodoj le Devlesko kamipe, ke lashe kerdyimatanca mucin le dile manushengo bi zhanipe;

verso 16

sar slobodura, haj na sar kasave, sar kon e slobodimata pe nasulimata hasnisaren opre, ba sar le Devleske slugi.

verso 17

Sakones patyivisaren, le phralikanipes kamen, le Devles daran, le krajes patyivin.

verso 18

Slugi, muken tumen tumare rajenge intregone daripesa, na numa le lashenge haj le blindonge, ba vi le capenenge.

verso 19

Ke gracija si kodo, kana varikon anda Devlesko duhikano hatyaripe bi chachimata dukhardines pachasa trajil perdal le nasulimatan.

verso 20

Ke soski luvudyija si kodi, kana bezexaren, haj anda kodo toleralin le palmi? Ba kana lashipe keren, haj pachasa toleralin, kodo skunpoj angla o Del.

verso 21

Ke pe kado kerdyiline,
ke somno muklines tumenge,
vi o Kristo dukhardyilas anda tumende, ke te zhan pala leste.

verso 22

Voj, kon bezex chi kerdas,
haj chi xoxavjipe chi arakhline ande lesko muj,

verso 23

kon, kana kushenas les, voj chi kushelas,
kana dukhardyilas, chi daravelas,
ba opral muklaspe po chacho Krisari;

verso 24

kon amare bezexa korkoro dukhardas
ande pesko trupo po kasht,
ke le bezexnage mulines le chachipeske te trajisaras;
perdal pa leske rata sastyiline.

verso 25

Ke kasave sanasle,
sar le kathe-kothe nakhline bakre,
ba akanak kaj tumare duhosko malyari haj samalelari resline.

Capítulos:

1 2 3 4 5