Peteresko angluno lil
capítulo 4
verso 1
Apol, ke o Kristo ando trupo dukhardyilas, vi tume zhikadale gindimatasa zuraren tumen, ke kon ando trupo dukhardyol, nacholtar te bezexarel,
verso 2
ke aba na le manushenge doropenge, ba le Devleske kamipeske te trajil ando trupo inke so palal si vrama.
verso 3
Ke dostaj, ke zhikaj kadi vrama pengo trajo kathar le murtikanengo kamipe trajisardine, kon ande hatyarimata, butajvipe, matyipe, xape, pijarnyikipe haj ande fetishongo nashtisrdo patyivipe trajin.
verso 4
Akanak pale bari dikhen, ke chi inkren lenca zhi ande kadal hatyarimaske zhungalimata, haj kushen tumen.
verso 5
Ba vorba dena kodaleske, kon gata tordyol te krisarel zhuvinden haj mulen.
verso 6
Ke anda kodo viacardine o evangeliumo vi le mulenge, chaches ando trupo, manushikanes krisardine len, ba kathar o Duho kathar o Del te trajin.
verso 7
Pashe si sakofalesko agor. Aven apol godyavera, haj ratyaren ande rudyimata!
verso 8
Haj anglalutnes kamen jekhavres savorazhene sagda, ke o kamipe but bezex sharavel!
verso 9
Patyivin jekhavres bixolyako!
verso 10
Savorazhene, sar las e gracija, kade te della majdur vi kavereske, sar lasho lashari le Devleske gracijake.
verso 11
Kana varikon vorbil, sar le Devleske vorbenca te vorbilas: kana varikon slugimata kerel, sar kodala zorasa te kerelas, so o Del del avri, ke ande sakofaloste le Devlesko luvudyipe te pherdyol andre perdal pa Jezush Kristo, kaske luvudyipe haj saktimo sagutno-sagutnes! Amen.
Le avriinkrimasko zumavjipe
verso 12
Mure kamade, na dikhen bari pe kodo phabardyimasko kikidipe, so sar pharipe reslas tumen, ke sar varisoski bari butyi te pecisajlinosas tumenca.
verso 13
Barem losshan, ke rigasle shaj aven ande Kristoske dukha, ke kana lesko luvudyipe avrisikadyol, vojikanes te losshan.
verso 14
Te kushen tumen anda Kristosko anav, baxtale avna, ke le luvudyimasko haj le Devlesko Duho hodinisardyola pe tumende.
verso 15
Mashkar tumende khanyikas na anda kodo te resel dukhardyipe, ke mudarij, bake chor si, bake nasulipe kerdarij, haj ke pe kaveresko dorolpe.
verso 16
Kana pale sar kristiano dukhardyol, tena lazhal kodo, ba te luvudyisarel le Devles ande kado anav.
verso 17
Ke kathej e vrama, ke te anglalardyol e kris pe Devlesko kher. Kana pale pe amende anglalardyol, so avla lengo agor kodalenge, kon chi patyan le Devlesko evangeliumo?
verso 18
„Kana vi o chacho daba muntosardyol,
so avla le bidevlikanesa bake le bezexaslesa?”
verso 19
Anda kado vi kodal, kon anda Devlesko kamipe dukhardyon, te inbisaren pengo duho le chache Kerdareske perdal pa penge lashe kerdyimata.
Libros
