Peteresko angluno lil
4. fejezet
1. vers
Apol, ke o Kristo ando trupo dukhardyilas, vi tume zhikadale gindimatasa zuraren tumen, ke kon ando trupo dukhardyol, nacholtar te bezexarel,
2. vers
ke aba na le manushenge doropenge, ba le Devleske kamipeske te trajil ando trupo inke so palal si vrama.
3. vers
Ke dostaj, ke zhikaj kadi vrama pengo trajo kathar le murtikanengo kamipe trajisardine, kon ande hatyarimata, butajvipe, matyipe, xape, pijarnyikipe haj ande fetishongo nashtisrdo patyivipe trajin.
4. vers
Akanak pale bari dikhen, ke chi inkren lenca zhi ande kadal hatyarimaske zhungalimata, haj kushen tumen.
5. vers
Ba vorba dena kodaleske, kon gata tordyol te krisarel zhuvinden haj mulen.
6. vers
Ke anda kodo viacardine o evangeliumo vi le mulenge, chaches ando trupo, manushikanes krisardine len, ba kathar o Duho kathar o Del te trajin.
7. vers
Pashe si sakofalesko agor. Aven apol godyavera, haj ratyaren ande rudyimata!
8. vers
Haj anglalutnes kamen jekhavres savorazhene sagda, ke o kamipe but bezex sharavel!
9. vers
Patyivin jekhavres bixolyako!
10. vers
Savorazhene, sar las e gracija, kade te della majdur vi kavereske, sar lasho lashari le Devleske gracijake.
11. vers
Kana varikon vorbil, sar le Devleske vorbenca te vorbilas: kana varikon slugimata kerel, sar kodala zorasa te kerelas, so o Del del avri, ke ande sakofaloste le Devlesko luvudyipe te pherdyol andre perdal pa Jezush Kristo, kaske luvudyipe haj saktimo sagutno-sagutnes! Amen.
Le avriinkrimasko zumavjipe
12. vers
Mure kamade, na dikhen bari pe kodo phabardyimasko kikidipe, so sar pharipe reslas tumen, ke sar varisoski bari butyi te pecisajlinosas tumenca.
13. vers
Barem losshan, ke rigasle shaj aven ande Kristoske dukha, ke kana lesko luvudyipe avrisikadyol, vojikanes te losshan.
14. vers
Te kushen tumen anda Kristosko anav, baxtale avna, ke le luvudyimasko haj le Devlesko Duho hodinisardyola pe tumende.
15. vers
Mashkar tumende khanyikas na anda kodo te resel dukhardyipe, ke mudarij, bake chor si, bake nasulipe kerdarij, haj ke pe kaveresko dorolpe.
16. vers
Kana pale sar kristiano dukhardyol, tena lazhal kodo, ba te luvudyisarel le Devles ande kado anav.
17. vers
Ke kathej e vrama, ke te anglalardyol e kris pe Devlesko kher. Kana pale pe amende anglalardyol, so avla lengo agor kodalenge, kon chi patyan le Devlesko evangeliumo?
18. vers
„Kana vi o chacho daba muntosardyol,
so avla le bidevlikanesa bake le bezexaslesa?”
19. vers
Anda kado vi kodal, kon anda Devlesko kamipe dukhardyon, te inbisaren pengo duho le chache Kerdareske perdal pa penge lashe kerdyimata.
Könyvek
