yo’aneS nav QIn wa’DIch
capítulo 2
verso 1
puqpu'wI' mach, Suyembe'meH tlhIHvaD nav QInvam vIqon. 'a yemchugh vay', vav'a' tlhopDaq nuHub Duy—yeSu'a QIStoS, maywI''a'.
verso 2
yemmeymaj 'enmoHmeH Heghta'. yemmeymaj neH 'enmoHmeH Heghta'be' 'a qo' Hoch yemmey 'enmoHmeH Heghta'.
verso 3
'ej ghaH wISov chutDaj DIpabchugh 'e' wISov ngoDmeyvammo'.
verso 4
«ghaH vISov» jatlh vay' 'a chutDaj pabbe' net jalchugh, vaj nepwI' ghaH vay'vetlh'e' 'ej vay'vetlhDaq 'oHtaHbe' vIt'e'.
verso 5
'ach QInDaj lobchugh vay', joH'a' muSHa'chu' qoDDaj. ghaHDaq wItu'lu' 'e' wISov meqmeyvammo':
verso 6
ghaH Dab ja'chugh vay', vaj ghaH rurnIS yIttaHvIS.
verso 7
juppu'wI', tlhIHvaD pab chu' vInobbe'. tlhIHvaD pab ngo' vIngeH. taghDI' Hoch, boghaj je. QIn boQoypu'bogh 'oH pabvam'e'.
verso 8
'ach tlhIHvaD pab chu' vIngeH. ghaHDaq, tlhIHDaq je teH, mejmo' tamghay 'en 'ej wejHa' wovchoH tamghay teH.
verso 9
tamghay Dab 'e' maq vay' 'a vInDa'Daj muS net jalchugh, vaj vabDot DaH tamghay 'en Dab vay'vetlh.
verso 10
vInDa'Daj muSHa'chugh vay', tamghay Dab 'ej tangmoH pagh.
verso 11
'a tamghay 'en Dab vInDa'Daj muSbogh nuv'e' 'ej ghochDaj Sovbe', mInDu'Daj Qapbe'mo' tamghay 'en.
verso 12
tlhIHvaD QIn vIngeH, puqpu' mach, pongDajvaD yaHmo' yemmeyraj.
verso 13
tlhIHvaD QIn vIngeH, vavpu', ghaH boSovmo'. 'ej bI'reS SaHpu' ghaH. tlhIHvaD QIn vIngeH, Quppu'wI', mIghwI' bojeyta'mo'. tlhIHvaD QIn vIngeH, puqpu', vav'a' boSovmo'.
verso 14
tlhIHvaD QIn vIngeH, vavpu', ghaH boSovmo'. 'ej bI'reS SaHpu' ghaH. tlhIHvaD QIn vIngeH, Quppu'wI', SuHoSmo' 'ej lIDabmo' joH'a' QIn 'ej mIghwI' bojeyta'mo'.
verso 15
qo', Dochmey ngaSbogh qo' je tImuSHa'Qo'. qo' muSHa'chugh vay', vay'vetlh Dabbe' vav'a' muSHa'chu'ghach.
verso 16
vav'a' bopbe' Hoch'e' ngaSbogh qo'—porghmey yemmey, mInDu' yemmey, mIybogh yIn Hem je; qo''e' lubop Dochmeyvam.
verso 17
'ej ru' qo', neHmoHwI'meyDaj je. 'a Hochlogh taHtaH joH'a' lobchu'wI'.
verso 18
puqpu', qaS rep Qav. paw QIStoS ghol 'e' boSov. vabDot DaH nargh QIStoS gholpu' law'. ngoDvammo', rep Qav 'oH repvam'e'.
verso 19
maHvo' jaHpu' 'ach mungna'chaj maHbe'. tlhejwI'pu'ma' chaHbej net jalchugh, ratlhpu'. 'ach tlhejwI'pu'ma' chaHbe' 'e' lu'agh numejDI'.
verso 20
'ej nachDu'rajDaq watrIn ngoHta' quvwI''a' 'ej vIt boSov.
verso 21
vIt boSovbe' 'e' vIHarbe'; QIn qonmeH meqwIj 'oHbe' meqvam'e'. tlhIHvaD QIn vIngeH vIt boSovmo' 'ej pagh vIt 'en lIngmo' vIt.
verso 22
nep 'Iv? QIStoS ghaH yeSu'a'e' 'e' temlu'chugh, neplu'. QIStoS ghol ghaH nuv'e', vav'a', puqloD'a' je temDI'.
verso 23
puqloD'a' lajlu'Qo'chugh, vav'a' Hutlhlu'. puqloD'a' lajlu'chugh, vav'a' ghajlu' je.
verso 24
tlhIH'e', lIDab bI'reS QIn boQoypu'bogh. lIDabtaHchugh bI'reS QIn, puqloD'a', vav'a' je boDabtaH.
verso 25
'ej maHvaD Dochvam nob 'e' lay' ghaH: ru'Ha'chu'bogh yIn.
verso 26
lIyuq 'e' lunIDmo' 'op, mu'meyvam vIqon.
verso 27
nachDu'rajDaq watrIn ngoHta'mo', lIDabtaH ghaH 'ej lIghojmoH vay' 'e' bopoQbe'. 'a nachDu'rajDaq watrIn ngoHta'mo' ghaH 'ej tlhIHvaD Hoch ghojmoHtaHmo' wanI'vam 'ej teHmo' wanI'vam 'ej ngebbe'mo' wanI'vam, lIghojmoHpu' wanI'vam, ghaH boDabtaH.
verso 28
'ej DaH, puqpu' mach, ghaH'e' yIDab. wIDabchugh, mabaw'Ha' narghta'DI' 'ej matuHbe' pawta'DI'.
verso 29
Hoch quvwI'pu' boghmoHta' ghaH 'e' boSov, quv ghaH 'e' boSovchugh.
Libros
