yo’aneS nav QIn wa’DIch

Chapters:

1 2 3 4 5

verse #1

puqpu'wI' mach, Suyembe'meH tlhIHvaD nav QInvam vIqon. 'a yemchugh vay', vav'a' tlhopDaq nuHub Duy—yeSu'a QIStoS, maywI''a'.

verse #2

yemmeymaj 'enmoHmeH Heghta'. yemmeymaj neH 'enmoHmeH Heghta'be' 'a qo' Hoch yemmey 'enmoHmeH Heghta'.

verse #3

'ej ghaH wISov chutDaj DIpabchugh 'e' wISov ngoDmeyvammo'.

verse #4

«ghaH vISov» jatlh vay' 'a chutDaj pabbe' net jalchugh, vaj nepwI' ghaH vay'vetlh'e' 'ej vay'vetlhDaq 'oHtaHbe' vIt'e'.

verse #5

'ach QInDaj lobchugh vay', joH'a' muSHa'chu' qoDDaj. ghaHDaq wItu'lu' 'e' wISov meqmeyvammo':

verse #6

ghaH Dab ja'chugh vay', vaj ghaH rurnIS yIttaHvIS.

verse #7

juppu'wI', tlhIHvaD pab chu' vInobbe'. tlhIHvaD pab ngo' vIngeH. taghDI' Hoch, boghaj je. QIn boQoypu'bogh 'oH pabvam'e'.

verse #8

'ach tlhIHvaD pab chu' vIngeH. ghaHDaq, tlhIHDaq je teH, mejmo' tamghay 'en 'ej wejHa' wovchoH tamghay teH.

verse #9

tamghay Dab 'e' maq vay' 'a vInDa'Daj muS net jalchugh, vaj vabDot DaH tamghay 'en Dab vay'vetlh.

verse #10

vInDa'Daj muSHa'chugh vay', tamghay Dab 'ej tangmoH pagh.

verse #11

'a tamghay 'en Dab vInDa'Daj muSbogh nuv'e' 'ej ghochDaj Sovbe', mInDu'Daj Qapbe'mo' tamghay 'en.

verse #12

tlhIHvaD QIn vIngeH, puqpu' mach, pongDajvaD yaHmo' yemmeyraj.

verse #13

tlhIHvaD QIn vIngeH, vavpu', ghaH boSovmo'. 'ej bI'reS SaHpu' ghaH. tlhIHvaD QIn vIngeH, Quppu'wI', mIghwI' bojeyta'mo'. tlhIHvaD QIn vIngeH, puqpu', vav'a' boSovmo'.

verse #14

tlhIHvaD QIn vIngeH, vavpu', ghaH boSovmo'. 'ej bI'reS SaHpu' ghaH. tlhIHvaD QIn vIngeH, Quppu'wI', SuHoSmo' 'ej lIDabmo' joH'a' QIn 'ej mIghwI' bojeyta'mo'.

verse #15

qo', Dochmey ngaSbogh qo' je tImuSHa'Qo'. qo' muSHa'chugh vay', vay'vetlh Dabbe' vav'a' muSHa'chu'ghach.

verse #16

vav'a' bopbe' Hoch'e' ngaSbogh qo'—porghmey yemmey, mInDu' yemmey, mIybogh yIn Hem je; qo''e' lubop Dochmeyvam.

verse #17

'ej ru' qo', neHmoHwI'meyDaj je. 'a Hochlogh taHtaH joH'a' lobchu'wI'.

verse #18

puqpu', qaS rep Qav. paw QIStoS ghol 'e' boSov. vabDot DaH nargh QIStoS gholpu' law'. ngoDvammo', rep Qav 'oH repvam'e'.

verse #19

maHvo' jaHpu' 'ach mungna'chaj maHbe'. tlhejwI'pu'ma' chaHbej net jalchugh, ratlhpu'. 'ach tlhejwI'pu'ma' chaHbe' 'e' lu'agh numejDI'.

verse #20

'ej nachDu'rajDaq watrIn ngoHta' quvwI''a' 'ej vIt boSov.

verse #21

vIt boSovbe' 'e' vIHarbe'; QIn qonmeH meqwIj 'oHbe' meqvam'e'. tlhIHvaD QIn vIngeH vIt boSovmo' 'ej pagh vIt 'en lIngmo' vIt.

verse #22

nep 'Iv? QIStoS ghaH yeSu'a'e' 'e' temlu'chugh, neplu'. QIStoS ghol ghaH nuv'e', vav'a', puqloD'a' je temDI'.

verse #23

puqloD'a' lajlu'Qo'chugh, vav'a' Hutlhlu'. puqloD'a' lajlu'chugh, vav'a' ghajlu' je.

verse #24

tlhIH'e', lIDab bI'reS QIn boQoypu'bogh. lIDabtaHchugh bI'reS QIn, puqloD'a', vav'a' je boDabtaH.

verse #25

'ej maHvaD Dochvam nob 'e' lay' ghaH: ru'Ha'chu'bogh yIn.

verse #26

lIyuq 'e' lunIDmo' 'op, mu'meyvam vIqon.

verse #27

nachDu'rajDaq watrIn ngoHta'mo', lIDabtaH ghaH 'ej lIghojmoH vay' 'e' bopoQbe'. 'a nachDu'rajDaq watrIn ngoHta'mo' ghaH 'ej tlhIHvaD Hoch ghojmoHtaHmo' wanI'vam 'ej teHmo' wanI'vam 'ej ngebbe'mo' wanI'vam, lIghojmoHpu' wanI'vam, ghaH boDabtaH.

verse #28

'ej DaH, puqpu' mach, ghaH'e' yIDab. wIDabchugh, mabaw'Ha' narghta'DI' 'ej matuHbe' pawta'DI'.

verse #29

Hoch quvwI'pu' boghmoHta' ghaH 'e' boSov, quv ghaH 'e' boSovchugh.

Chapters:

1 2 3 4 5