yo’aneS nav QIn wa’DIch

Capitole:

1 2 3 4 5

versetul 1

puqpu'wI' mach, Suyembe'meH tlhIHvaD nav QInvam vIqon. 'a yemchugh vay', vav'a' tlhopDaq nuHub Duy—yeSu'a QIStoS, maywI''a'.

versetul 2

yemmeymaj 'enmoHmeH Heghta'. yemmeymaj neH 'enmoHmeH Heghta'be' 'a qo' Hoch yemmey 'enmoHmeH Heghta'.

versetul 3

'ej ghaH wISov chutDaj DIpabchugh 'e' wISov ngoDmeyvammo'.

versetul 4

«ghaH vISov» jatlh vay' 'a chutDaj pabbe' net jalchugh, vaj nepwI' ghaH vay'vetlh'e' 'ej vay'vetlhDaq 'oHtaHbe' vIt'e'.

versetul 5

'ach QInDaj lobchugh vay', joH'a' muSHa'chu' qoDDaj. ghaHDaq wItu'lu' 'e' wISov meqmeyvammo':

versetul 6

ghaH Dab ja'chugh vay', vaj ghaH rurnIS yIttaHvIS.

versetul 7

juppu'wI', tlhIHvaD pab chu' vInobbe'. tlhIHvaD pab ngo' vIngeH. taghDI' Hoch, boghaj je. QIn boQoypu'bogh 'oH pabvam'e'.

versetul 8

'ach tlhIHvaD pab chu' vIngeH. ghaHDaq, tlhIHDaq je teH, mejmo' tamghay 'en 'ej wejHa' wovchoH tamghay teH.

versetul 9

tamghay Dab 'e' maq vay' 'a vInDa'Daj muS net jalchugh, vaj vabDot DaH tamghay 'en Dab vay'vetlh.

versetul 10

vInDa'Daj muSHa'chugh vay', tamghay Dab 'ej tangmoH pagh.

versetul 11

'a tamghay 'en Dab vInDa'Daj muSbogh nuv'e' 'ej ghochDaj Sovbe', mInDu'Daj Qapbe'mo' tamghay 'en.

versetul 12

tlhIHvaD QIn vIngeH, puqpu' mach, pongDajvaD yaHmo' yemmeyraj.

versetul 13

tlhIHvaD QIn vIngeH, vavpu', ghaH boSovmo'. 'ej bI'reS SaHpu' ghaH. tlhIHvaD QIn vIngeH, Quppu'wI', mIghwI' bojeyta'mo'. tlhIHvaD QIn vIngeH, puqpu', vav'a' boSovmo'.

versetul 14

tlhIHvaD QIn vIngeH, vavpu', ghaH boSovmo'. 'ej bI'reS SaHpu' ghaH. tlhIHvaD QIn vIngeH, Quppu'wI', SuHoSmo' 'ej lIDabmo' joH'a' QIn 'ej mIghwI' bojeyta'mo'.

versetul 15

qo', Dochmey ngaSbogh qo' je tImuSHa'Qo'. qo' muSHa'chugh vay', vay'vetlh Dabbe' vav'a' muSHa'chu'ghach.

versetul 16

vav'a' bopbe' Hoch'e' ngaSbogh qo'—porghmey yemmey, mInDu' yemmey, mIybogh yIn Hem je; qo''e' lubop Dochmeyvam.

versetul 17

'ej ru' qo', neHmoHwI'meyDaj je. 'a Hochlogh taHtaH joH'a' lobchu'wI'.

versetul 18

puqpu', qaS rep Qav. paw QIStoS ghol 'e' boSov. vabDot DaH nargh QIStoS gholpu' law'. ngoDvammo', rep Qav 'oH repvam'e'.

versetul 19

maHvo' jaHpu' 'ach mungna'chaj maHbe'. tlhejwI'pu'ma' chaHbej net jalchugh, ratlhpu'. 'ach tlhejwI'pu'ma' chaHbe' 'e' lu'agh numejDI'.

versetul 20

'ej nachDu'rajDaq watrIn ngoHta' quvwI''a' 'ej vIt boSov.

versetul 21

vIt boSovbe' 'e' vIHarbe'; QIn qonmeH meqwIj 'oHbe' meqvam'e'. tlhIHvaD QIn vIngeH vIt boSovmo' 'ej pagh vIt 'en lIngmo' vIt.

versetul 22

nep 'Iv? QIStoS ghaH yeSu'a'e' 'e' temlu'chugh, neplu'. QIStoS ghol ghaH nuv'e', vav'a', puqloD'a' je temDI'.

versetul 23

puqloD'a' lajlu'Qo'chugh, vav'a' Hutlhlu'. puqloD'a' lajlu'chugh, vav'a' ghajlu' je.

versetul 24

tlhIH'e', lIDab bI'reS QIn boQoypu'bogh. lIDabtaHchugh bI'reS QIn, puqloD'a', vav'a' je boDabtaH.

versetul 25

'ej maHvaD Dochvam nob 'e' lay' ghaH: ru'Ha'chu'bogh yIn.

versetul 26

lIyuq 'e' lunIDmo' 'op, mu'meyvam vIqon.

versetul 27

nachDu'rajDaq watrIn ngoHta'mo', lIDabtaH ghaH 'ej lIghojmoH vay' 'e' bopoQbe'. 'a nachDu'rajDaq watrIn ngoHta'mo' ghaH 'ej tlhIHvaD Hoch ghojmoHtaHmo' wanI'vam 'ej teHmo' wanI'vam 'ej ngebbe'mo' wanI'vam, lIghojmoHpu' wanI'vam, ghaH boDabtaH.

versetul 28

'ej DaH, puqpu' mach, ghaH'e' yIDab. wIDabchugh, mabaw'Ha' narghta'DI' 'ej matuHbe' pawta'DI'.

versetul 29

Hoch quvwI'pu' boghmoHta' ghaH 'e' boSov, quv ghaH 'e' boSovchugh.

Capitole:

1 2 3 4 5