yo’aneS nav QIn wa’DIch

Capitole:

1 2 3 4 5

versetul 1

juppu'wI', Hoch qa' tIvoqQo' 'a joH'a' toy' qa' 'e' bo'olmeH Hoch qa' yIHaD, qo'Daq law'mo' joH'a' Duypu' ngeb.

versetul 2

joH'a' qa''a' boghovmeH mIwvam yItur: joH'a' toy' qa', porghna'Daq narghta' yeSu'a QIStoS 'e' tembe'chugh.

versetul 3

'ej yeSu'a temchugh qa', joH'a' toy'be'. QIStoS ghol qa' ghaH qa'vam'e'. paw qa'vam 'e' boghoj 'ej vabDot Dat qo'Daq qa'vam tu'lu'.

versetul 4

puqpu' mach, mungraj ghaH joH'a''e' 'ej chaH bojeyta' tlhIH, lItlhejmo' joH'a'; ghaH HoSghaj law' qo' HoSghaj puS.

versetul 5

mungchaj 'oH qo''e'; meqvetlhmo', qo' ngan Hol 'oH Holchaj'e' 'ej chaH 'Ij qo'.

versetul 6

mungmaj ghaH joH'a''e'; joH'a' Sovchugh vay', nu'Ij vay'vetlh. 'ach vay' mung ghaHbe'chugh joH'a''e', nu'IjQo'. qa''a'na', qa' ngeb je DIghovmeH mIwvam wIlo'.

versetul 7

juppu'wI', maSaHchuqchu'jaj, numuSHa'moHmo' joH'a'. Hoch muSHa'wI' boghmoHta' joH'a' 'ej joH'a' Sov Hoch muSHa'wI'.

versetul 8

joH'a' Sovbe' muSHa'Qo'wI', muSHa'chu'ghach ghaHmo' joH'a''e'.

versetul 9

chay' maHDaq muSHa'laHghachDaj 'aghta' joH'a'? nuyInmoHmeH qo'Daq wa' puqloDDaj ngeHta'.

versetul 10

muSHa'meH mIw pup 'angta'. maH'e', joH'a' wImuSHa'be'pu'. ghaH'e', yemmeymaj nge'meH puqloDDaj ngeHta'.

versetul 11

juppu'wI', nuSaHqu'bejta'mo' joH'a', maSaHqu'chuqnISba' je.

versetul 12

not joH'a' leghlu'pu' 'a joH'a' wImuSHa'chugh, nuDab ghaH 'ej maHDaq pupchoH muSHa'chu'ghachDaj.

versetul 13

ghaH wIDab ghaH 'ej maH nuDab ghaH 'e' wISov ngoDvammo': maHvaD qa''a'Daj nobta' ghaH.

versetul 14

qo' toDwI''a' ghaHmeH puqloD'a' ngeHta' vav'a' 'e' wIlegh 'ej wanI'vam wInguH.

versetul 15

joH'a' puqloD ghaH yeSu'a'e' 'e' DISchugh vay', vay'vetlhDaq ratlh joH'a' 'ej joH'a'Daq ratlh vay'vetlh.

versetul 16

'ej nuSaHchu' joH'a' 'e' wISov 'ej nuSaHchu' 'e' wIwuv. muSHa'chu'ghach ghaH joH'a''e'. muSHa'chu'ghach chIwchugh vay', vay'vetlh Dab joH'a'.

versetul 17

ngoDvammo' pupchoH muSHa'meH laHmaj 'ej noHmeH jaj mabaw'laH. qo'vamDaq yeSu'a wIrur.

versetul 18

muSHa'lu'chugh, pagh Hajlu'. ghIjlu'be' muSHa'lu'DI', ghIjmo' bIj. nuv ghIj vay', pupmoHbe' muSHa'meH mIw.

versetul 19

mamuSHa', numuSHa'ta'mo' ghaH.

versetul 20

«joH'a' wImuSHa'» jatlh vay' 'ej vInDa'Daj muS net jalchugh, nepwI' ghaH vay'vetlh'e'. vInDa'Daj leghpu'bogh muSHa'Qo'chugh nuv, joH'a' leghpu'be'bogh muSHa'laHbe'.

versetul 21

'ej joH'a' muSHa'meH vInDa'Daj muSHa'nIS je vay' nuja' joH'a'.

Capitole:

1 2 3 4 5